📍عاودت الباك مرتين علمية نقدر نقرا جيستيون اول مرة وندي فيها
الباك؟
أول حاجة حابة نقولها لكل واحد راهو حاير ولا خايف من شعبة التسيير والاقتصاد.
ما تخليش فكرة "ما نعرف والو على المواد" تخوفك🥲
صح انو مواد جديدة عليكم و ما عندكم حتى فكرة على واش نقراو بصح صدقني.
ماشي لازم تكون تعرفهم من قبل باش تنجح فيهم كل حاجة تتعلمها من الصفر. ومع الوقت والممارسة راج تتقنها👌🏻
اللي قراو اولى علمي وانتقلوا للثانية تسيير واقتصاد أو حتى لي حاب يعاود الباك شعبة تسيير راح يلقاو رواحهم في البداية داخلين شعبة جديدة او خلينا نقولو مجال جديد لأن التسيير والاقتصاد ماشي مجرد مواد جديدة يقراوها وإنما هو مجال كامل عنده مفاهيم / مصطلحات وطريقة تفكير مختلفة صح راح تبدا من الصفر، راع تبدا وانت ما عندكش قاعدة سابقة على هاد المواد ولكن هذا الشيء جامي لا كان عائق، قادر فهاد الوقت تدي نظرة او فكرة على اساسيات المحاسبة (لانها المادة لي تحتاج فيها قواعد أساسية ) ولكن الاهم هو انا تكون مستعد تتعلم وتفهم خطوة بخطوة
أول شيء لازم تعرفي واش يعني ارقام الحسابات / المدين والدائن / القيود / الرصيد
دروس السنة الثانية مانقولكش ماعند همش علاقة بواش نقراو ولكن كل شي، راح يتبدل المهم تكون عندك فكرة كيفاش تسجل قيد محاسبي وواش معناه اصلا وهاد الحاجة مراحش تدي من عندك وقت كبير ، فيديوهات يوتيوب - chatGPT
مكا مراحش تلقاي صعوبة فالدروس، اصلا هي قضية معلومة - ترجمها - طبقها
5September 2, 2026 329 1 4
