لي خلصو البروڨرام و بداو فالمواضيع بزاف بعثولي قالولي لقينا مشكل كي نحلو المواضيع يجيونا شوي صعاب و نديو وقت كبير على اللازم و يتساءلو لا حاجة عادي او لا ..
الجواب بكل بساطة حاجة عادية و السبب هو انو والفتو تحلو تمارين كل وحدة وحدها يعني معلومات محددة تستخدموهم و كل التمارين تصب في نفس الموضوع بصح كي تروحو المواضيع تلقاو جميع الوحدات في موضوع واحد يعني راح تبداو تتنقلو بالافكى و التفكير من وحدة لوحدة و من معلومة لمعلومة على هادي طولو لانو مش موالفين فقط بصح مع لوقت توالفو نورمال و تدربو عادي
و على هادي الاساتذة يقولولكم ادربو على المواضيع ماشي غير على جال الوقت و انما على جال تتعلمو تتنقلو من وحدة لوحدة بلا ماتسريسيو ولا تتقلقو ولا تتلفلكم ❤️
راكم نورمال والله و راكم قاريين و فاهمين باذن الله و متمكنيين لازم برك تتعودو ✅
78
6
4
2
2
1
1May 14, 2024 6.7K 4
