Yaser

[media, no text]

[media, no text]

[media, no text]

لاجت صباح العيد والغيد جلاّس ‏والله ما يجلس من الغيد غاده ‏لا لبست أزهد لبس صار أجمل لباس ‏لها على البيض بغنجها سياده ‏ما هي بـ حاجة لعقد من ألماس ‏يبرق معنّقها بليّا قلاده

طرقني غرامك يا جميل الحلايا طرق ‏كما يطرق الحداد صيخٍ غدا جمره ‏معاد اعرف لاشفت زولك جنوب وشرق ‏اضيّع دليلي مثل شرابة الخمره ‏ترى الحب يسرق حال راع المحبه سرق ‏شويه شويه لين يقضي على عمره ‏جمالك طبيعي بينه وبين غيره فرق ‏عليه أحسدوك أهل المساحيق والحمره

[media, no text]

تمرين واشوف الجمال الباذخ الجبّار ‏"وقالوا تغاضى بس ماني بـ متغاضي" ‏تعالي وفجّي صدري بـ رمشك البتار ‏"من يموت من سلهامتك قانع وراضي" ‏تعالي ترى ما أخترت غيرك ولا بختار ‏"انا واحدٍ ما عاد يغريني الماضي" ‏انا الصادق اللي جابتك صوبه الاقدار ‏"محبتك صدق وحب غيرك على الفاضي"

عطّ الليل فرصة من جديلك ياروح الروح ‏معك ودّي إن الشمس تشرق بعد بكره ‏أنا اشفق على "لبّيه" من صوتك المبحوح ‏لا حلّ الظلام وعوّد الطير في وكره ‏تحت عنقك الفارع ورى زرارك المفتوح ‏ما باقي عليّ إلّا ألحق السكره السكره ‏يغني على شباك دارك : حمام الدوح ‏وأغني عليك : البيت والقاف والفكره .

أنثى ولا مثلك أنثى في نسا العالمين ‏لو تنجب الحور حور فـ كل مطلع شهر ‏إن قلت فيك القصيد الزين ، تستاهلين ‏حقّك وحق الجمال الباهر المزدهر ‏إن جاز لك غايتي وإن كان ماجاز شين ‏والناس ماهمّني من ذمّ .. ومن أنبهر ‏تمشين وتطيح خلق الله يسار و يمين ‏هذا يبايعك خل .. وذا يقدّم مهر

انت الوحيد اللي لك الباب مفتوح ‏يبقى غلاك بداخل القلب ماراح ‏عالم تجي وتروح ماهزت الروح ‏وعالم غلاها ساكن بوسط الارواح

ضيدان بن قضعان

ماحسدت المطر على مكان النزول ‏لين بلّل جدايلها وهي ضاحكه ‏كانت كفوفنا ملامح مْن الذهول ‏مدري كفوف ولّا ارواح متشابكه ! ‏جعل غيمٍ يوسّع خاطرك ، ما يزول ‏وجعل كل الليالي فيك متباركه

حبيبتي بهجة الدنيا ومحفلها ‏قلب ٍ خذيتيه مني تستحقينه ‏الحب رتب تفاصيلي وجمّلها ‏واضفى عليها السكينه والطمأنينه ‏خلاني اعمل عمايل ما اتخيلها ‏واكبر دليل الهيام اللي تشوفينه ‏من خاف لا يقطف الزهره ويقتلها ‏هو نفسه اللي قطف لك زهرة سنينه

أنت مدهال الأماني وميزان الشعور ‏معك أواجه سُود الأيام و أغني لها

AQO3x_X-CVyANCt0MMFmHetMUTJ54eDOsTto27a1WjGoZNJBPOZBGBt4IqbxaYg…