🥵 酷熱自救指南
未來幾日有條熱帶氣旋白海豚殺埋嚟，雖然就唔會中香港，但大家都知香港天氣係「打風前夕，必有酷熱」。天文台分分鐘長掛酷熱天氣警告，大家真係要小心「熱中症」（即係熱衰竭同中暑）。唔好以為後生或者大隻就捱得住，呢種天氣夾硬嚟，隨時會命都無。即刻為大家準備一份貼地防中暑指南！
🛑 認清先兆：唔好死頂！
好多人以為「中暑」只係覺得熱，其實身體會分兩個階段向你發出求救訊號。識得分，分分鐘救到自己或者身邊人一命：
熱衰竭 (🟡黃色警報)
身體會出現頭暈頭痛、狂標冷汗、面色蒼白、作嘔作悶、手腳抽筋等警號，話你聽身體已經缺水過熱，要即刻停低休息！
中暑 (🔴紅燈危險)
身體會出現完全無汗出、皮膚紅熱乾燥、神智不清、甚至暈低...即係話體溫調節系統崩潰，隨時有生命危險，即刻打999！
🛡 實用防禦大法：降溫保命秘笈
1. 水飲夠，唔好等口渴先飲
出街記住帶水樽，定時定候飲兩啖。如果大流汗，可以飲少少運動飲品補充流失咗嘅電解質。
2. 揸車工作要識補水
以為成日坐喺車嘆冷氣就無事？揸大半日車，猛烈陽光隔住擋風玻璃曬入嚟，其實一樣會慢慢將個人抽乾。最好喺車放定大樽水，趁等紅綠燈或者塞車時飲多兩啖，千祈唔好因為驚要搵廁所而刻意唔飲水。
3. 裝備要通爽
淺色、鬆身、透氣嘅衫係基本常識。出街不妨放低包袱擔把遮擋吓太陽，帶把「芭蕉扇」或者掛頸風扇。再加張冰感毛巾抹汗或者敷頸，降溫效果一流。
4. 避開烈日當空
中午11點到下晝3點個太陽最毒。如果呢段時間一定要做戶外嘢，記得定時搵陰涼位、或者入商場涼吓冷氣唞唞，量力而為。
如果你行行下山戶外工作昤出現熱衰竭跡象，就要即刻跟住以下「自救五步曲」去做：
1. 🛑 即刻「煞掣」，搵位避太陽
2. 🎒 放下包袱，大解放
3. 💦 針對性「要害」降溫
4. 🚰 細細啖，慢慢飲
5. 🚨 出聲求援，準備撤退
22
6August 5, 2026 2.7K 15
