مساء الخير بدون أي مقدمات حسيت اني عاوز اكتب ملقتش مكان افضل من هنا اكتب فيهMy favorite place
كنت قاعد بفكر ف افتكرت ان النهاردة عيد ميلادي الـ 23 الحمد لله ستر وكرم من ربنا
وللحظة فكرت قولت انا مستني اي من حياتي عاوز اكون اي او ابقى اي أو اوصل لفين وتفكير كتير ولخبطة كتير سواء لما كنت في الجامعة وبقول إمتى أخلص وأشوف حياتي وأسافر وأعمل اللي أنا عاوزة بدون أي قيود على الرغم من إني بقول دلوقتي ولا يوم من أيام الجامعة ومش هيحس بالجملة دي أكتر غير الولاد المهم خلصت هوب لقيت الجيش مستني ألو يلا بينا هتاخد اعفا لا مفيش منه المهم دخلت (بكلمك دلوقتي وأنا لسا ليا 6 شهور يا كحول 😅) المهم الأيام بتجري ومسيرها تعدي ونرجع تاني للحرية
المهم لو تاخد بالك إن كلنا دايما بنفكر ب عاوزين نبقى حاجة وعاوزين نعمل الحاجه اللي بنحبها وعربية الأحلام وحبيبة العمر قبل م ابن خالتها اللي في الخليج ياخدها منك ......إلخ
الأهم من كل ده جت عليا لحظة سألت نفسي هو أنا جاهز أقابل ربنا لو مت دلوقتي ؟؟؟؟؟
الإجابة كانت لأ على الرغم من إني الحمدلله فيه عمار بيني وبيني ربنا بس الإجابة كانت لأ ف كان لازم اراجع نفس في كل حاجة كبيرة وصغيرة وقولت افكركوا جايز انا مجرد سبب يخليك تراجع نفس تاني وبفكر نفسي وإياكم إن الحاجه الحقيقية اللي في حياتنا هي الموت لا محالة جاي جاي جهز نفسك وخليك مستعد في اي وقت البعض عارف إنه هيطنش كلامي وإحتمال ميكملش قراءة لغاية هنا بس حبيت أفكر نفسي وأفكركم
"إعمل لدنياك كأنك تعيش أبدا , وأعمل لأخرتك كأنك تموت غدا"
ربنا يوفقني ويوفقكم في حياتنا ويهدينا إلى ما يحيه ويرضاه وبعتذر لو طولت عليكم
