- الرساله ؛ السلام عليكم حبيت أوصلكم اللي صار اليوم ويانة بأقسام كلية الطب العام – جامعة الأنبار قسم رقم ٧ لأن الموضوع بصراحة خطير وما يصير يمر مرور الكرام.
اليوم صار حريق بالقسم وهذي مو أول مرة وإنما ثاني حريق يصير بهذي الفترة وحالياً القسم بيه طلاب الستاجير طب عام وتدريب الأسنان والوافدين وطلاب الدور الثاني ودراسات عليا فالكهرباء أصلًا شلون راح تتحمل من يبدي الدوام ويزيد الضغط عليها؟!
وبالمناسبة العدد مو ٥٠ طالبة مثل ما ذكرت بعض القنوات العدد أكبر بهواية.
وقت الحريق الطالبات انحصرنا وبالگوة لحگنا نطلع للحديقة ع الرغم من انو أكو درج طوارئ بس كان مقفّل ولحد الآن ما نعرف السبب وماكو صفارات أو إنذار حريق وحتى المشرفات ما استخدموا السماعات للإبلاغ رغم إن دائما صارعينا بيها.اضطرينا نطلع بسرعة ولولا تدخل الشرطة والدفاع المدني بالوقت المناسب وإنقاذهم إلنا ما ندري شنو جان ممكن يصير
وطبعاً أدوات الطفايات موجودة بس ما نعرف هل المشرفات فعلًا متدربات على استخدامها والتصرف بحالات الطوارئ لو لا لأن الي صار اليوم ما كان يطمن أبداً
وبالمناسبة القسم مو روضة حتى كل مشرفة تجيب أطفالها وياها واحد واثنين خصوصا بمكان بيه عدد كبير من الطالبات وهو مخصص للدراسة
والأغرب من كل هذا إن مسؤول الأقسام وصل وكال (عتبروا القسم بيتكم ولا تحچون ولا تصورون) بدل ما يكون التركيز على إيجاد الحلول حتى ما تتكرر الحادثة.
وحتى إحدى الطالبات اللي شافت الحريق طلبوا منها ما تذكر إن السبب كان من السبلت وتكول بسبب الشاحنة! حسبي الله ونعم الوكيل.
عموما الحمد لله على سلامة طالباتنا والشكر الكبير للشرطة والدفاع المدني على تدخلهم السريع وإنقاذهم إلنا
بس نتمنى الموضوع يوصل للجهات المسؤولة لأن المطلوب مو بس احتواء الحادثة وإنما إيجاد حلول حقيقية فحص وصيانة الكهرباء والتأكد من صلاحية أجهزة السلامة وفتح مخارج الطوارئ توفير إنذارات حريق وتدريب المشرفات والكوادر على التصرف الصحيح بحالات الطوارئ
وأرواح الطلبة مو شي بسيط وما نريد ننتظر حادث ثالث حتى تتحرك الجهات المسؤولة .
297
70
8
3
3September 1, 2026 3.4K 85
