الشمس سلمت النا بوقت الغروب
ومن مر الگمر فوكانا سلم
كتبت ذكرى بينا اعواد الأغصان
وحلف بينا الورد وبشوگنا أقسم
بحيث تحاججت ويانا الأشجار !
بهاي الحدايق ياهو أقدم؟
افترگنا وجرى بنهر ارواحنا الموت
وبياض گلوبنا عالروح غيم
اتفقنا نموت لكن احنا عدلين
نضحك بس اكو بخاطرنا مأتم
الهوى يلاگينا لكن مامبين
مختنگين بس نكول نشتم
افترگنا بالليل ونايمه الناس
خفنا من النهار الناس تعلم.
August 13, 2026 49
