عانقت ليلٍ على مسراه شجعني
لو ينسَرى لليلها سريت بايعها
بشر ولا الله عن الزله مرفعني
واصبحت من عقب ماني ضدها معها
ان ضاعت إضيع وان دلت تسنعني
وان شفت بالعيّن قلبي بين اصابعها
سجدت لله يالله لا تضيعني
وان جات للجدَّ واسقتني مدامعها
علمتها الدمع للعشاق وش يعني
الدمع صوتٍ ليا غازل مسامعها
تشوف صوتي واذا مريت تسمعني
والله ماكنت اطاوعها ولا اسَمعها
لكنه الحب سمعني وطوعني
للجادل الي شرايني شوارعها
September 28, 2026 1.1K 9
