💢سویگولوم
✍ #فرهادیمراغهای
ای سویگولوم، نگاریوی هیچ سالمیسان یادا
درد آشنای عشقووی سن ساتمیسان یادا
من تک وفالی عاشقی والله تاپانماسان
مندن گوزل مگر تاپیلار، تاپمیسان یادا؟!
عشقین یولوندا هر نه واریمدی اوتوزموشام
انصافه گل دا ، وار یوخومی وئرمیسن بادا
اردیبهشتِ عمریمی دوندرمیسن دِیَه
سنسیز اینانمیرام یئتیرم عمری مردادا
گول درمدیم او غنچه دوداقلاردان، عیبی یوخ
بیگانه قویما شَهد لبوندن ولی دادا
یوز دوندرنده قلبیه، گوزله حجابیوی
زاهد او حالدا گورسه وئرر ایمانین بادا
آتدون وفالی عاشقووی ای شیرین دیلیم
هجرونده داغداریدی رحم ایله فرهادا
گز هفت شهر عشقی، دولان کُلِّ عالمی
اسلامیدن گوزل دینی تاپسان بو دنیادا !!!
غربین دسیسهسی بیزی بدبخت ائدیب داداش
ایمانی غیرتی شرفی وئرمیشوخ بادا
دشمن بیزیله جنگیدهدی، جنگ نرمیله
گه (فیسبوکدا) گه (من و تو)، گه (اینستادا)
ماهواره تبلیغ ایلوری ائولنمهسین جوان
مَکریله ازدواج سفیدی سالور یادا
تشریفاتین آغیرلیقی مانعدی وصلته
حسرتدی نوعروسِ زمان ایندی دامادا
فرهنگیمیز خطردهدی هشیار اولاخ گرک
آزادلیقی چکوبدیله دانشگاه آزادا
تهراندا بیر قیز، الده موبایلی قوجاقدا ایت
آزادیدن پیاده گئدوردی فرحزادا
فوراً قاباخلادیم اونی، عرض ایلدیم خانم
انسان سزا دگول قوجاقیندا ایت اوینادا
سن اشرف خلایق پروردگاریسن
حفظ ایله ئوز وقاریوی فخر ائت گوزل آدا
الله سنی گوزل یارادیب، کورلاما ئوزون
آرایشیله سن ئوزیوی سالما هر مُدا
مصنوعیدور تمام، گوزون کیپریگون قاشون
ئوز چهرهوه بو حالدا باخوبسان بیر آینادا
باشون آچیخ، گوبَح گوروشور، شلوارون جریخ
آخ بو نه ایشدی اوستووه شیطان شریدلادا
(فرهادی) شعرلرده (کریمینی) یاد ائدر
شاگرده باخ، همیشه دعاگودی استادا
۱۴۰۳/۲/۲۰
September 5, 2026 61
