Vee Security: post #205 — TG.ME

https://www.facebook.com/share/p/1E5rXt2frC/ في ظل انتشار ثقافة الـ Personal Branding وكل الناس اللي هيظهرولك في أي مكان عايزين يخلوك تشوف ازاي هما فاهمين أوي أوي تحت مسمى "نشر العلم وزكاة العلم نشره" ، خلي بالك من الحاجات دي: [ فاقد الشئ لا يعطيه ] - قبل ما تقرأ بوست لأي حد - أو تشوف فيديو لأي حد - أو تاخد أي معلومه من أي حد بص على تاريخ الشخص دا وإيه مؤهلاته أو انجازاته انه يتكلم فيها أو يشرحها ليك! فيه بعض الأسئلة البسيطة: - هل فعلاً اللي بيشرح ده درس الحاجة دي بتركيز ؟ - هل عنده خبره في سوق العمل عن الحاجه دي ؟ - هل لو الشخص دا اتسأل في الحاجة دي في انترفيو او مجرد نقاش هيجاوب أصلاً (بدون استخدام ال AI) ؟ - هل فعلاً هو شارحها من واقع تجربته في أرض الواقع ولا مجرد استخدام الـ AI علشان يشرح ال Slides ويعملها إعادة صياغه بأسلوبه الخاص؟ بقول الكلام دا والله للأسف لان كتير من الشباب بشوفهم يفشلوا في التعلم يروح يتوجه لناحية اني أوري الناس اني فاهم! يبني ما تصبر شوية تخلص الكورس اللي انت ماشي فيه الأول، واشتغل الحاجة بإيدك واعمل اللي تعمله ولكن! الموضوع متعب والصبر على التعلم صعب لو بتحب التدريس فعلاً وانك تشارك المعلومة مع الناس اصبر لحد ما تشتغل في المهارة دي بإيدك ومستواك يبقا كويس فيها: بعد كدا اشرح للناس من خلال تجربتك في سوق العمل لكن لما تدخل انترفيو ومستواك يبقئ سئ جداً وتروح تشرح شهادة متقدمة في المهارة دي، فهنا أنا انصحك ان تتقي الله الخلاصة: - متشرحش كورس اختبار اختراق وانت مشتغلتش أو مقدمتش الخدمة دي في شركة أو مع عملاء - متشرحش كورس تصميم أو مونتاج وانت مشتغلتش أو مقدمتش الخدمة دي في شركة أو مع عملاء - متطلعش تتكلم عن نصائح احترافيه للسايبر سيكيورتي وكأنك خبره 5 سنين فيها وانت لسه بتتعلم. ولكن عرف الناس بانجازاتك وده المهم، يا جماعه انا بعرف اعمل كذا وكذا حتى شوفوا (الفيديو دا، الرايتب دا، الخ..) مش الكورس دا م/احمد ح. القرماني ❤️