Тадбиркорлар учун форс-мажор ҳолатларини тасдиқлаш хизмати онлайн шаклга ўтказилди
Ягона интерактив давлат хизматлари порталида маҳаллий хўжалик шартномалари доирасида юзага келадиган енгиб бўлмайдиган кучлар (форс-мажор) ҳолатларини тасдиқлаш бўйича сертификатни онлайн тарзда олиш хизмати жорий этилди.
Мазкур хизмат Ўзбекистон Республикаси Вазирлар Маҳкамасининг 2023 йил 7 июндаги 231-сон қарори асосида Ўзбекистон Савдо-саноат палатаси томонидан кўрсатилади.
Хизмат тадбиркорлик фаолияти билан шуғулланувчи юридик ва жисмоний шахслар учун бепул. Электрон мурожаат келиб тушган кундан эътиборан 10 кун муддатда кўриб чиқилади. Хизматни кўрсатиш учун зарур бўлмаган ортиқча ҳужжатларни талаб қилишга йўл қўйилмайди.Янги электрон хизмат тадбиркорларга форс-мажор ҳолатларини расмий тасдиқлаш жараёнини соддалаштириб, вақт ва ортиқча бюрократик жараёнларни тежаш имконини беради.
ХИЗМАТДАН ФОЙДАЛАНИШ
Telegram 
Instagram 
Facebook 
Youtube
