በሕይወት ጉዞአችን ውስጥ አንዳንዴ መንገዱ እጅግ የጨለመ፣ የገጠመን ፈተናና መከራም ከአቅማችን በላይ የሆነ የሚመስልበት ጊዜ አለ።
የከበበን ጭንቀት፣ ፍርሃትና የስጋት ደመና ነገን በተስፋ እንዳንመለከት ዓይኖቻችንን ሊጋርዳቸው ይችላል።
ነገር ግን አባታችን አቡነ ሽኖዳ❣️ እንዲህ ሲሉ ያጸናኑናል፡
"በፊታችሁ ያለው መንገድ ምንም ያህል ጨለማ ወይም አስቸጋሪ ቢመስል፣ የሰይጣንም ኃይል ምንም ያህል የሚያስፈራ ቢመስል፤ 'ከእኛ ጋር ያሉት ከእነርሱ ጋር ካሉት ይበልጣሉ' ብላችሁ እመኑ (2ነገሥት 6፡16)።"
አዎ! በእኛ ላይ የተነሳው ማናቸውም የጨለማ ኃይል፣ የሕይወት አውሎ ነፋስ ወይም የፈተና ብዛት ከእኛ ጋር ያለውን የአምላካችንን ታላቅነትና ጥበቃ ሊበልጥ አይችልም።
ረዳታችን ከከበበን መከራ ሁሉ እጅግ ይበልጣል።
ስለዚህ ዛሬ በገጠማችሁ ማንኛውም አስቸጋሪ ሁኔታ ውስጥ ሆናችሁ ተስፋ አትቁረጡ፤ መንፈሳችሁ አይደንግጥ። የከበበንን የፈተና ብዛት ሳይሆን፣ ከእኛ ጋር ያለውን የታመነ አምላክ ጥበቃና ረድኤት እንመልከት።
ዛሬን በሙሉ እምነትና ድፍረት ተራመዱ፤ ከእኛ ጋር ያለው ይበልጣልና!
✍️ / ዑራኤል
ማንኛውም ሀሳብ
👇👇👇
@Mogesinewokibrene
