ငါးမန်းကားအသစ်
Above & Below (2026)
ဇာတ်လမ်းကတော့ မက္ကဆီကို ပင်လယ်ပြင်မှာ အပျော်ခရီးထွက်ပြီး ရေငုပ်ဖို့ ရောက်လာကြတဲ့ လူငယ်သူငယ်ချင်း ၅ ယောက်ဆီကနေ စတာပါ။ ဒါပေမဲ့ မတော်တဆ မူးယစ်ဂိုဏ်း (Cartel) ရဲ့ ကိုကင်းအထုပ်တွေကို ရှာဖွေတွေ့ရှိသွားရာကနေ အခြေအနေတွေ ဇောက်ထိုးမိုးမျှော် ဖြစ်သွားပါတော့တယ်။ သူတို့ လှေပေါ်ကို ရောက်လာတဲ့ Antonio Banderas ဦးဆောင်တဲ့ လက်နက်ကိုင် ရာဇဝတ်ဂိုဏ်းဟာ ရေထဲကျသွားတဲ့ မူးယစ်ဆေးတွေကို ပြန်ဆယ်ယူပေးဖို့ လူငယ်တွေကို အကျပ်ကိုင် ခြိမ်းခြောက်ပါတော့တယ်။
အဲဒီနောက်မှာတော့ ကောင်မလေးနှစ်ယောက်ဟာ ငါးမန်းကာ လှောင်အိမ် (Shark cage) ထဲ ဝင်ပြီး အောက်ခြေက ဆေးထုပ်တွေကို သွားဆယ်ရပါတော့တယ်။ ဒါပေမဲ့ လှေပေါ်မှာက သေနတ်ကိုင်ထားတဲ့ ရက်စက်တဲ့ မူးယစ်ဂိုဏ်းသားတွေ ရှိနေပြီး (Above)၊ ပင်လယ်အောက်မှာတော့ သွေးဆာနေတဲ့ ဧရာမ ငါးမန်းဖြူကြီးတွေ (Great White Sharks) ဝိုင်းရံထားတာကြောင့် (Below)၊ အောက်ဆီဂျင် ကုန်ခါနီး အချိန်မှာ အထက်နဲ့ အောက် ဘေးအန္တရာယ်နှစ်ဖက်ကြားကနေ အသက်ရှင်လွတ်မြောက်အောင် ဉာဏ်ဆင်ပြီး အသည်းအသန် ရုန်းကန်ရမယ့် သည်းထိတ်ရင်ဖို Survival ဇာတ်လမ်းကောင်းတစ်ခု ဖြစ်ပါတယ်။
1August 25, 2026 399
