Bruno Fernandesh Yuri Tilemansning “Ipsvich”ga qarshi penaltida uning yugurib kelish uslubini bir xil qilganiga munosabati:“Menimcha, u bu orqali to‘p qaytib kelib qolsa, uni tepib yuborishga ulgurmog‘chi bo‘lgan. Chunki u men to‘pga zarba berishimdan oldin jarima maydoniga kira olmaydi.
Unga bu yugurishni aynan takrorlash juda qiyin, chunki sakraysiz, keyin esa tepish uchun to‘p bo‘lmagani sabab muvozanatni yo‘qotasiz.
Bu ancha aqlli harakat. Chunki raqiblar joyida turishgan paytda siz allaqachon jarima maydoniga qarab yugurishni boshlaysiz, keyin esa ular tezlashishiga to‘g‘ri keladi.
Rostini aytsam, o‘yin vaqtida buni umuman payqamagan ekanman. Lekin keyin u golni nishonlash uchun oldimga birinchi bo‘lib yugurib kelgan futbolchi bo‘ldi. Endi esa nega u shunchalik tez yetib kelganini tushundim…😂
