3 نصايح
1- المتحكم الأكبر في سعر الدهب في مصر هو سعر الدولار في السوق السودا
بالتالي كل المحاولات للمكسب بالتركيز على الدهب و سعر السوق، هي محاولات في الاتجاه الخاطئ
طالما الدولار هو التحكم
يبقي أما تشتغل في حاجه تكون اصل فلوسك فيها دولار
زي سهم حلال بالدولار
أو تخلي الفلوس دولار
لكن اللعب مع الدهب و هو بيتحرك على نغمات سعر دولار السوق السودا هو لعب بالنار و في الاتجاه الغلط
2- لو نويت تستثمر في دهب أو أسهم
يبقي ضروري تاخد كورس قبل ما تبدأ
ثم تاخد فترة 6 شهور لسنه بتتعلم في السوق بمبلغ صغير
يعني تكبر بالتدرج، بدل ما تخاطر بكل حاجه بدون علم و لا خبرة.
و اعتبر نفسك بتاخد رخصة تداول قبل ما تنزل السوق، زي اي وظيفة في الدنيا لازمها شهادة و خبرة!!
3- التداول مش لكل حد
التداول مش لكل حد، بس إدمان التداول لكل حد. خليك حذر من الحفرة اللي وقع فيها كتير قبلك و هو أنه دخل السوق و معرفش يطلع
و ضيع سنين من عمره و وقته و أعصابه و فلوسه
خليك حكيم و صريح مع نفسك لنفسك و لصحتك و لعيالك
#احمد_يوسف
