خليني اديك خلاصة 11 سنة تجربة شخصية ك زول متعدد الإهتمامات....
ومعاها 7 سنوات شغل كموجّه للشخصيات متعددة القدرات والاهتمامات
من الطالب....... لحدي مدير شركة.
📌*الكلام الجاي ده من أهم الرسائل الممكن تقراها اليوم.*
خلينا نبدأ💪
▪️أول حاجة
ارمي فكرة اسمها إدارة الوقت⏳.
طلعها من راسك....
🔚 لأنها ببساطة ما معمولة ليك
ولا بتنفع مع طريقة تفكيرك
ولا مع الطريقة الشغال بيها عقلك..
ما تنطط عيونك👀
مش قلت داير الخلاصة⁉️
وأنا جاي أديك ليها بكل صراحة
ومن غير تجميل...
استحملني شوية في الآخر كل حاجة ح تكون واضحة..
نرجع تاني
قلت ليك أنسى إدارة الوقت...
لكن ركز في المصطلح ده كويس:
*إدارة الطاقة.*
مشكلة متعدد الإهتمامات ما في الزمن🧭.
هو بس مقتنع إنو الزمن مشكلته🤦♂️.
لكن الزمن بريء براءة الذئب من دم سيدنا يوسف😅
المشكلة الحقيقية في طريقة *إدارة طاقته.*
لكن هو ما واعي بالحاجة دي...
وما في زول قال ليهو قبل كده
إنو دي أصل المشكلة...
القصة ببساطة كده....
متعدد الاهتمامات بيستهلك طاقته في 3 مستويات أساسية:
🔌*المستوى الأول: المستوى الداخلي.*
كمية طاقة مهولة بتروح...
بس عشان يرتب الأفكار الكتيرة والمتداخلة جواه.
سيناريوهات. .. كلام داخلي... جلد ذات..
مشاريع داير يبدأها...
أحكام على نفسه....
أحكام على الناس والدنيا..
فوضى عقلية كاملة.😖
ممكن يكون راقد في السرير...
لكن عقلو شغال بسرعة مليون في الساعة...
الناس من برا شايفين زول هادي مستكين ما عامل حاجة..
لكن من جوه......
في حرب كاملة شغالة.💣💥
*🔌المستوى التاني: المستوى الخارجي*
جزء كبير من الطاقة بيضيع في محاولة الموازنة⚖
بين أهداف كتتتتتيرة و *كبيرة* ...
في نفس الوقت🤦♂️
متعدد الاهتمامات بطبيعته طموح💪
وطموحو عالي زيادة عن اللزوم....
معنى النجاح في عقله أكبر بعشرات المرات من الشخص العادي...
عادي جدًا هدف واحد عنده...
يكون مشروع حياة كامل لزول تاني...
و ده بكون هدف واحد من ضمن باقي اهدفه
وشايفو عااااادي🙊
بالمناسبة أنا ما ببالغ..
وما بتكلم من فراغ....
شفت الحاجة دي عشرات المرات...
في الاستشارات والكورسات....
الزول يحكي لي عن هدفه وأنا أكون مصدوم😳
وهو مستغرب ليه أنا مندهش.😬
ويسألني.... في شنو؟
وأنا أسأله.....إنت ليه ما مندهش؟
الموازنة بين الأهداف دي بتاكل طاقة ما طبيعية...
*🔌المستوى التالت:الشغل/الوظيفة/البزينس/المال*
اها المستوى ده مهم جدا و دي قصة براها...
📌تقريبًا كل الناس عندها مسار واضح في النقطة دي
إلا متعدد الاهتمامات🤦♂️
هو الوحيد التايه.😩
والناس من برا مستغربين جدًا.
كيف زول بالقدرات دي..
والمهارات دي...
لسه ما استقر في مجال واحد؟
لسه ما عنده مسار واضح؟
والأغرب.... إنو هو ذاتو
أول زول ما فاهم نفسه...
محاولته للنجاح في النقطة دي
بتستهلك جزء ضخم من طاقته.
ليه؟
لأنو غالبًا
ماشي بنصائح
ما مناسبة ليه
ولا مقتنع بيها
لكن غصبًا عنه بيحاول..
هسع
بعد كل الكلام ده
عايزك تجاوبني بصراحة....
هل إدارة الوقت
ممكن تحل حتى 10%
من مشكلة استنزاف الطاقة عند متعدد الاهتمامات؟
بالضبط..
عشان كده قلت ليك من البداية أرمي إدارة الوقت.
إنت مسكت الاتجاه الصح لما تبدأ من إدارة طاقتك🤩
ومن هنا البداية الحقيقية 🔥🔥
في القناة عامل استفتاء عن أكتر حاجة
بتستهلك طاقتك.
شارك فيهو و ورينا رأيك...
وبرضو
لو الرسالة دي حسيت إنها لمستك اعرف انك ما لقيتها بالصدفة.
شاركها مع زول..
ممكن يستفيد منها.
يلا سلام 😃✌🏼
----------
تابع المزيد على قناة الواتساب
https://whatsapp.com/channel/0029Va8C0DLEquiS4jE9ir2Y
--------------
إذا مستعد تخلي 2026 سنة استثنائية .. سجل الان في المجموعة الجديدة لكورس مسار القوة
ح تتعلم فيهو كيف تكتشف *(نقاط القوة الشخصية+ المهارات العليا+ المميزات الشخصية الاستراتيجية + تصميم القيمة + الوسيلة المثالية لتوصيل قيمتهم للعالم)*
البرنامج عملي و مكثف يمتد لستة أسابيع (أربعة أسابيع عملية + متابعة لمدة اسبوعين).
التسجيل ارسل رسالة على الخاص و اكتب "مسار القوة" و ح ارسل ليك التفاصيل
+249 92 724 1230
14 يناير 2026 341 3
