#منقول
السلام عليكم
يعطيكم العافية
بكتب لكم كل شي :
- اول شي ترا طريقة الدخول و الاسلوب وايد يفرق وايد لمن تبين انك متوتر يفرق وايد .. ثاني شي صراحة يعتمد على مزاج الدكتور و رد فعله .
يعني في بنات بطل معاها الاكواد و سأل بالتفاصيل هذا الكود حق شنو و طلعيلي كود هذا الزر او هذا الامر ، شلون تضيفين button ، درسوا الكود شلون login مثلا يعني اهم الاوامر وين مكانها مو اكثر ..
- طريقتك اهي اللي تحكم ، الدكتور يحاول يدقر بالكلام
يحاول يستصغرك انك مو فاهم او مألف او مسوي شي ماله معنى و ان الابلكيشن مالك ما منه فايدة و صعب او بشنو بيفيدني يعني ؟
لازم ردك يكون محكم و تعرف تعطيه راي بكل ثقة ان برنامجي جذي و جذي و بالعكس اشوفه زين و متكامل و هالكلام .
- حاول اول ما تدش تتجهز و تركب الواير عاللابتوب عشان الداتا شو و تفتح البوربوينت و تعطيهم نظرة الثقة و انك جاهز ، ابتسم لا تبين الخوف
- بس تبلش حاول مو بس تقرا جنك رجل آلي الاهداف مالت المشروع و الحل و المشكلة مثلا .. لا حاول تسترجل تشرخ بطريقتك يعني انا كنت كاتبة كلام و شلون بشرح دشيت نسيته كله قمت اتكلم بالنقاط بشكل عام من نفسي .. حاول تتفلسف بالانقلش شوي و تبين انك فاهم .
- احنا قروبنا وااايد دققوا عالريبورت و للاسف و لا وحدة فينا كانت مستعدة له او قاريته .. يبونه تغليف حلزوني لا تنسون لان احنا طابعينه بس اوراق و علقوا على هالشي ، وايد يدققون بالريبورت يعني ليش ما حطيت المواقع بس كاتب الريفرنسس ؟ هذا هذا ناقص ؟ وين هذا ليش مو ذاكره ..
- الشي اللي ما تعرف ترد عليه لا تتأتأ او تبين صج ما تعرفه كلش ، حاول تاخذهم بالكلام يعني انا توهقت بهالشي وايد بس لفيت الموضوع و كل ما طلع شي و توهقت فيه قلتله جل من لا يسهو 😂او فعلاً معاك حق ما ادري شلون راحت عن بالي ،، صح كلامك نقطتك مهمة كان المفروض احطها بالبرنامج ، عطوهم موقع القوة ان انتوا صح و انا طالبة و شغلي ناقص بس حاولت اطاع البرنامج بافضل صورة .. تاكدوا من ان برنامجكم شغال هذا اهم شي ترا
- للعلم كلامي مبين اني قوية و انا و الله كانت حايشتني ام الركب و اتراجف ، لكن ابتسمت و بينت اني تمام و كل ما يكلمني بشي الف بالكلام و ابين له انه على حق و حلوة ملاحظته و وجهة نظره جدا واو ..
- وايد حرّصوا على انه ناقص و حان حطيتي و ردي كان بثقة و هدوء ان صح الاكيد ان هذي الملاحظات لمن اعدل على مشروعي عشان اعرضه بالسوق بسويهم راح تنفعني و تزيد من كمالية البرنامج و معطته وضعية هات اللي عنك انا ترا اعرف اجاوب و انا ما اعرف شي 😂
هذا اللي يحضرني
و اي سؤال انا حاضر باللي اعرفه
April 4, 2022 18K 23
