كتير منتشر هالفترة انو نظام Android رح يصير متل iOS
طبعاً من ناحية تثبيت التطبيقات من خارج المتجر ، هلق بنظام iOS مابتقدر تثبت تطبيقات من خارج المتجر ، بس بالـ Android معروف انو فيك تثبت APK من وين مابدك
بس حالياً Google عم تطور نظام اسمو Android Developer Verification
يعني وقت تحاول تثبّت تطبيق خارجي او نسخة معدلة ، وكان المطور غير موثق عند Google فهالنظام رح يمنع التثبيت بالطريقة العادية
بس مو خلص ماعدت تقدر متل ماعم ينتشر لا بتقدر تثبت التطبيقات بس صار في خيار جديد Advanced Flow وهو اجراءات امان اضافية ، ومنها فترة انتظار 24 ساعة
وهي الـ 24 ساعة مو مع كل تطبيق ، بس بأول مرة بتشغل فيها الميزة ، قريباً ببعض الدول رح تتفعل الميزة بعدين رح تتوسع عالمياً
يعني الموضوع بس رح يصير اصعب بالتثبيت مارح ينمنع هالشي نهائياً ، وطبعاً فيك ماتفعل الميزة اساساً بس رح تواجه مشاكل اكتر اثناء التثبيت
5
2September 2, 2026 452 30 2
