طلاب، جاي أشوف منكم بالفترة الأخيرة شوية تراخي وقلة اهتمام، وهذا الشي بصراحة ما أرضى بيه، لأن أنتم وصلتوا لمرحلة ما يصير بيها تهاون أبدًا.
ما ضل شي! وهاي الفترة تعتبر من أهم الفترات بالنسبة إلكم، لأن كل التعب اللي بذلتوه خلال الأشهر الماضية لازم يبان هسه بالالتزام والمراجعة والتركيز.
لا تخلو الملل أو التعب يخليكم تتراجعون، ولا تقولون بعدنا عدنا وقت. الوقت اللي باقي قليل، وكل يوم يمر بدون استغلال حقيقي ممكن يأثر على مستواكم ونتيجتكم.
أريد من كل واحد منكم يشد حيله أكثر، يراجع بجدية، يحل الأسئلة، ينتبه على أخطائه، وما يعتمد على الحظ أو التأجيل. النجاح ما يجي بالتمني، النجاح يحتاج تعب واستمرار والتزام.
أنا أعرف إمكانياتكم وأعرف أنكم تقدرون تقدمون مستوى أفضل بكثير من اللي جاي أشوفه حاليًا، ولهذا عاتبتكم. ما أريد أشوف طالب يندم بعدين ويقول: «لو درست أكثر، لو راجعت أكثر».
من اليوم أريد أغيّر أشوفكم: جدية، التزام، مراجعة، تركيز، ومنافسة على النجاح.
خلّوا آخر فترة من دراستكم تكون أقوى فترة، وخلو تعبكم كله يطلع بنتيجة تفرحكم وتفرح أهلكم.
11August 11, 2026 356
