اساسيات رياضيات •مربع حدانية _يكون قوس بيه رقمين بيناتهم جمع او طرح و… — براند سادس — TG.ME

»اساسيات رياضيات •مربع حدانية _يكون قوس بيه رقمين بيناتهم جمع او طرح و فوك القوس اكو 2 (مربع الاول ،2× الاول × الثاني،مربع الثاني) _من نضرب لازم الرقم و الاشارة مو بس الرقم •فرق بين مربعين _يكون رقمين بيناتهم طرح و يطلع من عدهم جذر تربيعي و حتى لو مو الا يطلع اله جذر تربيعي مثلا 5 يصير√5×√5 (اسوي قوسين و اجذر الرقم الاول و اخليه بالقوسين و احط بقوس سالب و بقوس موجب و اجذر الرقم الثاني و اخليه بالقوسين) •التجربة _من يكون عدنا 3 حدود نحلها تجربة نفتح قوسين و نكول اشارة الرقم الثاني اللي بالنص تنزل بالقوس الاول و اشارة القوس الثاني رح تكون اشارة الرقم الثاني × اشارة الرقم الثالث و بعد ما اغير الاشارات و اشوف الحد الثالث جاي من يا ناتج ضرب فاجرب بالارقام و لازم من أجمع القريب ويا القريب و البعيد ويا البعيد يطلع الحد الوسط اذا مطلع اغير بالارقام مو بالاشارات و اذا ابد مطلع يعني ينحل بالدستور •فرق بين مكعبين _رقمين يطلع منهم جذر تكعيبي و بيناتهم طرح (افتح قوسين قوس صغير و قوس جبير بالقوس الصغير اخلي الاول - الثاني و اسد القوس و بالقوس الجبير اخلي مربع الاول ، عكس اشاؤة القوس الاول يعني + ، الاول × الثاني ، مربع الثاني) _انتبهوا هنا الاول × الثاني مووووو 2× الاول × الثاني _من نضرب لازم الاشارة و الرقم مو بس الرقم _لازم القوسين متشابهات بالضبط بس الاشارة تختلف قوس موجب و قوس سالب •مجموع مكعبين _رقمين يطلع منهم جذر تكعيبي و بيناتهم جمع (افتح قوسين قوس صغير و قوس جبير بالقوس الصغير اخلي الاول + الثاني و اسد القوس و بالقوس الجبير اخلي مربع الاول ، عكس اشارة القوس الاول يعني - ، الاول × الثاني ، مربع الثاني) _انتبهوا هنا الاول × الثاني مووووو 2× الاول × الثاني _ من نضرب لازم الاشارة و الرقم مو بس الرقم •عامل مشترك _اسحب عامل مشترك من اني أحتاج مو لان اكو عامل مشترك اطلعه يعني مثلا ارقام صارت جبيرة و اكدر اسحب عامل مشترك فاسحب و من تسحبون اشارات مثلا ديربالكم احسن شي من تسحبون رقم او اشارة قسموا عليها حتى تتأكدون و تكدرون هم ترجع ن تضربون اللي سحبتوه بالباقي حتى تتأكدون من الحل •الرقم الزوجي يتقسم على 2 _الرقم الفردي نجمع أرقامه اذا طلع من مضاعفات رقم 3 يعني يتقسم على 3 _الرقم اللي نهايته(الاحاد) هو 0 او 5 فيقبل القسمة على 5 _الرقم اللي نهايته(الاحاد و العشرات)من مضاعفات رقم 4 يعني يتقسم على 4 •اذا زاوية 60 مثلا اريد احولها للبايات (π) بطريقة سهلة اكول 60×1 وراها هذا الواحد اسويه π/180 الرقم بالمقام ليش حتى اكدر اختصره ويا الرقم مثلا هنا ويا ال60 رح يبقى π/3 _(180 قيمتها π) فتعتبر نفس القيمة فمن نختصره يطلع 1 •التربيع اللي يمه زائد ما يتحلل #اساسيات