ҚАҲРАМОН ОНАСИГА ЭСДАЛИК НИШОНИ ТОПШИРИЛДИ
Мустақиллигимизнинг 35 йиллиги арафасида Ватан ҳимояси йўлида жонини фидо этган мард ўғлонлар хотирасига яна бир бор юксак эҳтиром кўрсатилди.Сирдарё вилоят Мудофаа ишлари бошқармаси, Янгиер шаҳар ҳокимлиги вакиллари, нуронийлар ҳамда ёшлар иштирокида Ватан сарҳадларини ҳимоя қилиш чоғида қаҳрамонларча ҳалок бўлган катта лейтенант Алишер Салимовнинг хонадонига ташриф буюрилди.
Алишер Салимов 2000 йилда Ватан сарҳадларида хизмат бурчини адо этиш, босқинчи ва террорчи гуруҳларга қарши курашиш чоғида қаҳрамонларча ҳалок бўлган.
Мустақилликнинг 35 йиллиги муносабати билан Алишер Салимов «Ўзбекистон Республикаси мустақиллигининг 35 йиллиги» эсдалик нишони билан тақдирланди.
Мазкур эсдалик нишони қаҳрамоннинг онаси Нортожихон Салимовага тантанали равишда топширилди.
Ташриф давомида ёшларга Алишер Салимовнинг Ватан ҳимояси йўлида кўрсатган жасорати ҳақида сўзлаб берилиб, унинг ёрқин хотираси ёдга олинди.
РАСМИЙ САҲИФАЛАРИМИЗ
Telegram | Facebook | Instagram |
Web | X | RU
