اللهم صل وسلم على نبينا محمد صلى الله عليه وسلم
سلام عليكم كيفكم ي شباب عساكم بخير✨🤝
رسالة اعتذار☹️:-
زي ما عارفين كلنا إنو أصعب فترة ممكن تمر على الطالب فترة الامتحانات "فترة عصيبه" الواحد فينا بكون قاعد على الهبشة وأخلاقو في طرف نخرينو والرد بكون في طرف اللسان الواحد فينا م بتحمل أي كلمة في الفترة دي وبكون محتاج دعم أسري وأصحابي دعم من كل الجهات🙇♂️ علشان يعدي الفترة دي على خير
والله الواحد كان متمني يقدم الدعم دا بس للأسف الظروف(☹️) حالت دون ذلك وعصرت علينا الحمد لله ف أنا بعتذر عن التقصير دا وبوعدكم إن شاء الله م يتكرر وربنا يقدرنا على مد يد العون والمساعدة وإن شاء الله بتلقونا معاكم في السمسترات الجايه ✨🤗
في شوية وصايا حأبي أوصيكم بيها🙇♂️
- ي أخوانا الناس تحاول تساعد بعض تدعم بعض الناس تبطل غنج😂 ورسلو أي حاجة ممكن تفيد أخوانكم في قروب المناقشة بالذات الفترة دي وعسى أنو ربنا يكتب ليكم فيها الأجر وتبقى سبب في توفيقكم✨
ولو في أي حاجه رسلوها لي خاص وأنا متين م أخش ح أرد عليكم إن شاء الله ✨
- حاولوا كونو علاقات لا م تحاولوا لازم تكون علاقات لازم تعملو ليكم أصحاب لأنو والله الجامعه ما بتتجازف إلا بيهم م الجامعة بس الحياة كلها على قول الإمام الشافعي رحمة الله ( سَلاَمٌ عَلَى الدُّنْيَـا إِذَا لَمْ يَكُنْ بِـهَا صَدِيقٌ صَدُوقٌ صَادِقُ الوَعْدِ مُنْصِـفَا)✨
- الحاجة الاخيرة ي باشمهندس/ه م تقرأ براك م تقرأ براك عشرة مرات أقرو جماعة أتناقشو إتغالطوا قراية الجماعة سمحة😉✨
ربنا يوفقكم ويوفقنا وعليكم الله م تنسونا من صالح الدعاء ولكم بالمثل إن شاء الله 🤲🏻❤️
متأسف أطلتا عليكم يلا أرحكم نقرأ 🏃♂️
#مكنون
12
6
1February 20, 2023 5K 4
