Келин қизим
22-қисм
Баҳор бутун оламга ўз сепини ёйган кунлари Умрихон невара келинлари ва эвараларини олиб кенг адирлар бағрига олиб чиқди. Иброҳим ҳам, Исмоил ҳам учтадан фарзандлик бўлган, келинлари бир-биридан меҳрибон, бир-биридан меҳнаткаш эди.
Муяссар қайнонасининг елкасига момиққина кўрпа ташлар экан
—Шамол бўляпди, ойи, ҳала бўлиб қолманг, —деди.
Фотима Исмоилнинг катта қизи Муслимани етаклаб олганча бир даста гул келтирди.
—Қаранг, ойижон, Муслимам менга гул терибди, —деди, кейин қизчанинг юзидан ўпиб қўйди.
Қизалоқ бир қарашдаёқ шундоққина онасини эслатиб турар эди.
Муяссарнинг хаёллари биринчи келинига кетди.
Лола ажрашиб кетгач уч йилгача турмуш қурмади, кейин бир одамга эрга тегди, аввалига ўзини бой-бадавлат қилиб кўрсатган одам товламачи бўлиб чиқди. Қаллоблик билан Лоланинг маҳрига тушган машинасини ҳам ўзлаштириб олди. Кейин Туркияга кетадиган бўлди. Шунда Умрихон қизини бериб кетишини сўради, ажаб Лола дарров рози бўлди, шундоқ ҳам кейинги турмушидан бўлган қизини касалманд онасига ташлаб кетаётган эди. Мана ўшандан бери икки ўғли қаторида бу қизни ҳам Фотима оқ ювиб, оқ тараб ўтирибди...
Умрихон хира кўзларини осмонга тикди. Эваралари қийқириб учираётган варраклар тобора баланд кўтарилар, қўлдан чиқиб кетмоқчи бўларди. Инсон ҳам шу! Ҳамиша нафсини қўйиб юборгиси келади, оқибатда ҳалокатга учраши мумкинлигини эса ўйлаб кўрганида кеч бўлади...
Муяссар Исмоилнинг аёлининг елкасидан қучганча бахтдан қувнаб турган юзига қараб турар экан кўнглига шукроналик тошиб кира бошлади.
Дарҳақиқат, оила инсоннинг бахт-саодатини таъминловчи қўрғондир.
Тугади.
Тошкент. 19- август. 2026-йил
Феруза Салходжаева
Барчага рахмат кейинги хикояамда учрашгунча саломат бўлинглар!
🌸🌼🩵
.https://t.me/joinchat/AAAAAFU_ki2DuwdoBGuycg
Telegram
ЎЗБЕГОЙИМ КАНАЛИ
ЗАМОНАВИЙ, ХАЁТИЙ ИБРАТЛИЙ ХИКОЯЛАР КАНАЛИ.
Тошкент.
@D_Uzbegoyim
214
119
24
11
4
