🚨🚨🚨:
ИЛОН_ЙИЛИ
Муаллиф: Гулбаҳор Рахматуллаева (Хазонрезги)
Ҳаётий воқеалар асосида
Бири жуда оқила, иқтидорли, меҳнатсевар экан. Иккинчи эса бирор иш қўлидан келмайдиган, ҳатто ўзини эплай олмайдиган паҳмоқ қиз экан.
Икки қиз ўсиб улғайишибди. Биринчи қиз қадди расо, ақлли таърифи тилларда достон бўлган бўй қиз бўлиб етишибди. Иккинчи қиз эса ҳали ҳамон қўлидан бир иш келмайдиган ношуд ва паҳмоқ қиз эмиш. Иттифоқо, ҳалиги икки қизга бир кунда совчи келиб, бир кунда турмушга бериладиган бўлишибди. Тўй вақти одамлар қарашсаки, паҳмоқ қизнинг бўлажак турмуш ўртоғи бағоят хушсурат, удли-шудли, ўктам йигит эмиш. Биринчи қизнинг эри эса унинг тескариси, лаллайган бир тўмтоққина нусҳа эмиш.
Шунда одамлар "Бу не синоат, бу не аҳвол, бу ҳолатнинг маъноси нима?" дея бир—бирларига савол билан боқишибди.
Кутилмаганда ҳалиги одамларга осмондан бир жавоб келибди ."Биринчи қизга иқтидор берилди, ақл, саҳоват, меҳнатсеварлик берилди. Ана шу ҳислатлари билан у истаган жойида оддий таёқни ерга суқиб боғ-роғ яратиб кета олади.
Иккинчи қизга эса ҳеч қандай қобилият ҳам, ҳислат ҳам берилмаган. У олдига келтирилган таомни ётиб ейишдан бошқасига ярамайди. Шу сабаб у ажалидан беш кун аввал ўлиб кетмаслиги учун миришкор бир йигит эр қилиб берилди" дейилибди.
Ана шунақа, Тоиржон болам, ётиб ейдиган паҳмоқ қиз сенинг тақдиринг экан...
Бу тақдирни ҳозиргина ўзинг танладинг...
Очиғини айтсам юрагим ёниб кетяпти. Бу келинни фаросатини кўргин...
Унинг ўрнида бошқа аёл бўлганда "Шериклик ошни ит ичмас" дея эшикни бир тепиб чиқиб кетарди.
У эса...
—352—
ИЛОН_ЙИЛИ
Муаллиф: Гулбаҳор Рахматуллаева (Хазонрезги)
Ҳаётий воқеалар асосида
У эса... "Мен жуфтимни бошқаси билан бўлишиб яшолмайман" деди. Шунингдек... Мени ота, онангни она қилиб ўзини бизларга қиз қилиб сайлаб чиқиб кетди. Кўнгил олиш ҳам шунчалик бўладими?
Бу келин оддий аёл эмас, хазина эканлигига яна бир бор амин бўлдим. Биласанми, дунёдаги энг қиммат тош олмос ботқоқ қаърида яширин ҳолатда бўлади. Уни топиш ва таниб олиш ҳаммага ҳам насиб қилмас экан...
Отасининг сўзлари Тоиржоннинг жон-жойига етиб борганди. Шу билан бирга у боши берк кўчага кириб қолган, ундан чиқишнинг бугун қабул қилган қароридан ўзга ҳеч бир иложи йўқ эди...
🍂
Севара ошхонадаги ишларини саранжом қилиб меҳмонхонага кирди. У ўша ердаги диван-креслога жой тўшаб, қўлига телефонини қўлига олди:
— Алло, Соҳиба опа!? Ассалому алайкум. Опа, поччамга ишхоналари берган квартирага ҳали ижарачи қўймадингларми? Жуда соз. Илтимос, эртага ўша квартира калитини олиб соат ўнларда мени ўша ерда кутиб туринг. Ҳа тинчлик, тинчлик. Борганда ҳаммасини сизга батафсил тушунтириб бераман. Ҳўп ҳозирча хайр. Эртагача...
—353—
73
26
4
3
