🚨🚨🚨:
ИЛОН_ЙИЛИ
Муаллиф: Гулбаҳор Рахматуллаева (Хазонрезги)
Ҳаётий воқеалар асосида
🍂
Кун қайтган маҳал Зилола ва Ботиржонни етаклаб олган Тоиржон остонада кўринди:
— Ойи, ойи!? Уйдамисиз?
— Ҳа, болам, тинчликми? — ичкаридан овоз берди Маъмура опа, — нега бақиряпсан ўтимни ёриб? Бундоқ тинчлик билан келсанг бўлмайдими?
— Ойи, бир қаранг, мен сизга кимларни олиб келдим?
Маъмура опа ичкаридан ҳилпиллаганча чиқиб келди ва Тоиржон ҳамда болаларга кўзи тушиб анграйиб қолди:
— Вооой...
— Булар Маъмура бувинг бўладилар, бориб кўришларинг, — болаларни Маъмура опа сари итарди Тоиржон, — аввал салом берларинг.
Маъмура опа саросимада аввал Севаранинг хонаси томон қаради, сўнг ўзини идора қилишга кучи етмай болаларга қучоқ очди:
— Бувиларинг айлансин сенлардан. Бунчаям ширин бола бўлдиларинг-а ?
Шу пайт Тоиржон ошхона деразасидан ўзларини жимгина кузатиб турган Севарага кўзи тушиб, бор журъатини ишга солди:
— Бу ерга чиқ, Севара. Болаларим билан таниш...
—340—
ИЛОН_ЙИЛИ
Муаллиф: Гулбаҳор Рахматуллаева (Хазонрезги)
Ҳаётий воқеалар асосида
Севара ўзини қўлга олишга ҳаракат қилиб ҳотиржам қиёфада ташқарига чиқди ва болалар томонга кела бошлади. У болаларга яқинлашгунча Маъмура опанинг "Севара болаларни яхши қабул қилмаса-чи?" деган ҳавотирдан бўлари бўлди.
— Ассалому алайкум, — деди Севара Тоиржонга хиёл жилмайиб, — яхши келдингизми?
У эрининг жавобини кутмай Зилолага энгашди:
— Салом, мен Севара опангман. Сенинг исминг нима?
— Зилола, — деди қизалоқ ётсирамай
— Уканг гапиришни биладими? — Севара шундай деб Ботиржонга юзланди, — сенинг исминг нима?
— Укамнинг исми Ботиржон, — деди Зилола унинг ўрнига жавоб бериб, — у олдин гапирарди, зинадан йиқилгандан буён соқов бўлиб қолган.
Севара билан Маъмура опанинг юзига дарровда ҳавотир оралади.
— Уканг ҳадемай гапириб кетади, — деди Севара Зилолани овутган бўлиб, сўнг Маъмура опага юзланди,— шундайми, ойижон? Ана энди уйга кирамиз. Мен роса ширин олмали пирог пиширгандим.Ҳозир чой билан олиб келаман
—341—
59
15
4
4
1
