🚨🚨🚨:
ИЛОН_ЙИЛИ
Муаллиф: Гулбаҳор Рахматуллаева (Хазонрезги)
Ҳаётий воқеалар асосида
— Вуй, бу хонадонни сўлимлигини, -меҳмон аёллар бир-бирларига маъноли қош қоқиб қўйишди, — хонадон эгаларининг қўллари гул экан. Бу ҳовлига кирган одам қайтиб чиққиси келмайди-я? Ҳамма нарса жой-жойида, тартибли.
Севара энди ўзининг ўрнини топибди.
Гулсара опа билан бирга келган аёллар Севарага аталган меҳмонхонага киришди. Хонада тузалган дастурхон ҳам хонадон эгаларининг нозик дидидан дарак бериб турарди.
Суюқ-қуюқ таомлар жойида тортилаётган вақтда Севаранинг опаси Соҳиба зарурат юзасидан кичик ўғлини ташқарига олиб чиқди. У ўғли енгиллашгач уни қўлларини чайиб турган вақтда ён томондаги хонадан икки аёлнинг бир-бирига гапирган гаплари беихтиёр қулоғига чалинди.
— Ё тавба! Буни қаранг, Меҳрихон? Янги келинни сиз ҳам кўрдингизми? Ҳудди Тоиржоннинг аввалги аёли Сарвинознинг ўзгинаси-я?
— Вой мен ҳам шуни ўйлаб тургандим. Ҳаттоки булар хазил қилиб собиқ келинларини шу йўл билан қайтариб олиб келишяпти деб ўйлабман.
— Лекин янги келин оғир, вазмингина жувонга ўхшаяпти. Сарвиноз эса олов эди а, олов!
— Шунинг учун ҳам Тоиржон уни шунча вақтдан буён унута олмадиди—да!? Минг қилсаям кўз очиб кўргани, яхши кўриб изидан югуриб, югуриб аранг олганди.
—306—
ИЛОН_ЙИЛИ
Муаллиф: Гулбаҳор Рахматуллаева (Хазонрезги)
Ҳаётий воқеалар асосида
— Ҳа нимасини айтасиз!? Буларни бахтига кўз тегди, мен сизга айтсам. Ўзи иккисини бутун қишлоқ гапирарди. Бир— бирига узукка кўз қўйгандек муносиб эди. Ҳамма ҳавас қиларди.
—Ишқилиб Тоиржон биринчи муҳаббатини унутиб шуниси билан қўша қарисин. Бу ҳам бировнинг кўздек боласи.
Соҳиба бу сўзларни эшитиб аъзои баданидан муздек тер чиқиб кетди. Сал аввал кўзига боғи Эрамдек кўринган бу ҳовлилар энди кўзига ёқимсиз бўлиб кўрина бошлади.
"Бечора синглим, — деб ўйлади у надомат билан, — пешона бир дегани шумикан? Бу сафар ҳам турмушга чиққан эрининг кўнглида биринчи аёли борга ўхшайди. Ҳали бу ҳақда эшитса Севара шўрлик қай аҳволга тушар экан?"
Соҳибанинг ташқаридан ранги ўчган аҳволда қайтганини биринчи бўлиб Гулсара опа ҳис қилди ва ичидан зил кетди ва ўтирган ўрнида оғир қўзғалиб қўйди.
Соҳиба эса бироз нафасини ростлагач ўзини қўлга олишга ҳаракат қила бошлади.
—307—
50
9
5
5
4
2
