الشكولاتة
ريحة الطيبة
السمحة صلاتا
ورشة ريدة
تفوح نسماتا
وشاي بي بسمة
ونظرة عميقة
منعنعة حلوة
شالت طعم السكر كلوو
وصاطت قلبي الاصلا صاتا
العينين العندك نهرين
نفس الطعم الفيهن عندي
الا حلاتن زايدة حلاتا
والكلمات من فاهك تمرق
زي الحان حفظت نوتاتا
وريحتك زي انفاس الشفع
لسة برئية وحافظة صفاتا
والاحساس عامل زي مطرة
وين ما تنزل ظاهرة سواتا
ووين ما تمر بتفتح وردة
وتبقي الدنيا منورة ذاتا
March 7, 2023 10.4K 22
