90% من الطلاب بضيعوا رغباتهم الأولى بسبب 3 أخطاء في التقديم!
في البوست دا حنحاول نتجنب الأخطاء دي ونذكر الطريقة الصحيحة 🔥
بداية بدليل التقديم، طبعا لما تجي تقدم حتشوف دليل السنة الفاتت وهو الحنقدم بيهو بعدين الوزارة حتقبل بنسب قد تكون أقرب لدليل السنة السابقة.
نكون متفقين التقديم ما نسبة بس، بل كمان ترتيب رغبات ذكي!
طيب الخطوة الجاية شنو؟
1. بعد حددت رغبتي وراجعت الدليل حمشي أجهز الاستمارة تطلعها برقم جلوسك
⚠️ رقم جلوسك ما تدي لأي زول
⚠️ما تخلي أي زول يقدم ليك بدون ما تراجع وراه.
2. تقدم عن طريق الموقع الموثوق البتنزله الوزارة
⚠️ ما تستخدم أي رابط في الميديا بدون ما تتأكد من صحته.
3. رتب رغباتك من الأعلى إلى الأدنى حسب رغبتك انت، ما حسب نسبة الدليل. اكتب الرغبة العايزها أول حتى لو زادت 2% من نسبتك
مثلا لو انت جايب 87%:
صيدلة الخرطوم 92 (أول رغبة لأنك عايزها)
صيدلة الإسلامية 88
صيدلة النيلين 86
كدا الترتيب الصحيح لانه الكمبيوتر حيمشي من أول رغبة انت كتبتها لحد آخر رغبة
4. اعمل 15 رغبة على الأقل، كل ما زدت رغباتك كان أفضل.
5. بعد تخلص تطبع الاستمارة.
⚠️ رغبة ما عايزها ما تقدم فيها
مع تمنياتنا لكم بالتوفيق 💗
نسعد باستفسارتكم
16
5September 17, 2026 380 7
