نمدلكم اخطائي بش مديروش نفسها :
🔆تعدد المصادر كنت نقرا من عند بزاف اساتذة (كاين لي يقول تعدد المصادر ملحي باش تعدد الافكار بصح لا اوافقه الراي لانو رح تتخط هك)
🔆تقرا برك ونت مش عارف وش راك دير كنت نقرا برك غير نزدم برك منيش مدايرة خطة محكمة ومضبوطة لهذيك المادة وهذاك الدرس غير نخلط برك وفرات
🔆نخلي نفسي تحت ضغط وتخمام سلبي بزاف ديما نخمم انو هك ولوكان منجيبش الباك كيما باغية؟وبالفعل صرات كيما تخيلت وجامي لا تخيلت روحي وصلت لواش باغية ولا عفسة مليحة ديما كنت وليدة افكاري السلبية
🔆كنت نخلي مورالي يتحكم فيا يعني انا كنت اغلبية الوقت حزينة يعني كلما نحزن كلما منقراش ونقول مش قادرة ونقنع عقلي الباطني بلي منيش صح صح قادرة نقرا ايا منقراش وندير عفسة اخرى قع بلا لقراية
🔆اللغات:انا من صغري نعرف اللغات وبحكم انو ولا مرة جبت تحت من 18في فرنسية وانجليزية و عربية حكمني الغرور نقدر نقول ومقريتهمش قلت نروح هكاك برك كيما كل عام
🔆الفيزيك كنت نحقرها بزاف بسب اني كرهت استاذتي كرهت المادة ونفس الشي بالنسبة للرياضيات وهذي من اكبر الاخطاء لي ندمت عليهم وخلاولي حياتي تتغير تغير جذررررررري
🔆علوم كنت منحلش تمارين بزاف فيها وكنت نحلهم غير بالعين برك ونقراهم برك غير قراءة ونعتمد على لبروف تع ليكور وفرات
4
3September 7, 2026 87 1 1
