منار، كيفاش قدرتي تبدعي لهاذ الدرجة في ملخصاتك تاع العلوم؟ 🧬⁉️”
حبيت نقولكم بلي جزء كبير من مصدر هاذ الإبداع هو أستاذي، الأستاذ تيت عبد الغني ✨
واليوم بالصدفة حليت إنستا قابلني هذا المنشور… وصراحة وقفت عندو شوية🤍
من عمل لعمل ومن سنة لسنة ديما يخرج استاذي بحاجة جديدة مختلفة ومليانة إبداع 🥹✨
وغلاف المتميز الجديد واحد من هاذ الأعمال لي خلاني نتبسم ونقول بيني وبين روحي:
“هذا هو أستاذي لي نعرفو.” 😍
Maybe that’s why some teachers become more than teachers…
they become the kind of people you look up to🌷
وإذا كان كاين شخص علّمني معنى التميز الحقيقي وأن الإبداع ماشي غير في واش تدير بل في الشغف لي تحطو في كل حاجة تديرها… فهو بلا شك الأستاذ تيت 🤍
وأكثر حاجة نتمنّاها في المستقبل؟💕
أنني يومًا ما كي نولي أنا أيضًا أستاذة نقدر نترك في تلاميذي نفس الأثر لي خلاه أستاذي فيا… وأنني نقدر نصنع تلاميذ مبدعين ونخليهم يؤمنو بقدراتهم كيما علّمني هو 🥹✨
يمكن هذا هو أجمل شيء يقدر يخلّيه الأستاذ وراءه:
تلميذ يتمنى يومًا ما يكون مثله 🤍
