4th year in medicine at HU.: post #90 — TG.ME

يعطيكم العافية يا دكاترة في اكتر من حدا بعتلي قلت اعلق هون عشان الكل يستفيد اولا بخصوص امتحان ال nbme سواء باطني او جراحة بالبداية ما تخافوا زيو زي اي امتحان كنتوا تقدموه زمان الفرق الوحيد انو المادة طويلة و الوقت يمكن انو لازم تكون شوي سريع بلاش تنزنق فيه … ما دام انتوا دارسين الي عليكم من حل يوورلد ومن مصدر زي الحسيني وستيب اب فما تقلقوا ثانيا بخصوص الامتحان فالأولوية دايماً انو تدرسوا وتركزوا حسب النسب الي اعطوكم اياها فمثلا اقل نسبة عندكم هي الرينال فالمفروض انو يكون اخر سيستم تدرسوه وتعطوا الاولوية للسيستمات المهمه زي الكارديو والريسب الخ… ثالثا الطلاب الي حاسين حالهم ملحوقين وضايل عليهم سيستمات وخايفين بقللكم كمان مره ما تخافوا ادرسوا السيستمات المهمه والي عليها النسب العاليه واتمكنوا منهم من اسئلة ومن مادة وراح يجي ان شاء الله على نمطهم وهكذا بتمشوا بالسيستمات حسب الاهمية نفس ما قلت واذا في سيستمات ما درستوهم الافضل تشوفوا اليوورلد من جداول ومن educational objective اما قراءة الاكسبلانيشن كامل فيمكن ياخد وقت منكوا واليوورلد هو اهم من الكتاب فشدوا وقولوا يا رب 💙 رابعا بخصوص ال cms فنفس ما حكت اسرار هو اهميته انه بدربك على الوقت واذا ما حليتهم كلهم عادي مش راح ترسب يعني 😅 فالمفروض انو مثلا انو تنزلوا بلوكين مثلا ب ١٠٠ سؤال وتحط مؤقت جمبك بساعتين ونصف نفس فكرة انك بتقدم امتحان وتشوف هل خلصت على الوقت ولا اتاخرت لانو صدقا الي صحاب بامتحان الباطني السنة العدت اتأخروا وانزنقوا وفي الي صاحب سكر الامتحان عليه وضلله فعليا ٢١ سؤال فاضيات بس هاي السنة بالاطفال تعلم من غلطتوا واتدرب وخلص عالوقت 😅 فهذا الهدف من ال cms وبعدها بتصلح لحالك وبتشوف قديش جبت ولكن في حال مثلا ما زبطت فيهم فعادي المهم الوقت وان شاء الله ال nbme بكون اسهل وممكن في بعض الاسئلة الي بتجي شبيه وبتتكرر بال nbme كمان نقطه انو راح تلاقوا اسئله اكيد مش داخله معكم لما تحلوا cms عادي فشقوا عنها لانهم بكونوا كنظام ال subjective بس نقصوها من الوقت المتبقي https://t.me/USMLENBME2CK/446 خامسا كنظام ال nbme كموقع كتير مرتب ممكن تشوف قديش ضللك وتعلم السؤال وتشطب الاجابات الي استثنيتها وتحط على ال review ببين معك مين الي ضللك مين حطيتله مارك كمان ال lab و calculator من ضمن الموقع مش شرط تحفظوهم بس بنصح تكونوا حافظين ال common والي بجوا مع اغلب الاسئله زي ال Na,K,Hco3 ,AST,ALT ,Hgb وهدول الي بجوا مع الاغلب عشان توفروا الوقت وهكذا فهو كموقع مرتب واحسن من جوجل فورم بالف مره 😁😂وكأسئلة بتجيك اكيد اسئله سهله وفي متوسطه وفي صعبه بس اكيد مش كلو صعب لا ابدا هذا هو نموذج امتحان لموقع ال nbme للي بحب يشوف كيف نظامو نفسو بالزبط راح يجيكم http://nsas.startpractice.com/ سادسا طريقة حل السؤال بالطريقة الي حكاها الدكتور معاذ فعالة جدا والسرعة لازم تكونوا فيها شاطرين مش كل سؤال لازم ياخد دقيقه ونصف لا ابدا بتذكر اجتنا صورة splinter hemorrhage وفعليا ما قرأت السؤال وجاوبتها echo ومشيت فاخدت مني يا دوب ال ٥ ثواني وهكذا مثلا بتجيك صورة ecg فكنت اشوف ال Bb اول اشي اذا unstable على السريع اجاوبها cardioversion وهكذا … واكيد في اسئلة طويله وممكن تسحب اكتر من دقيقه ونصف فطبيعي جدا بعد الامتحان انسوا شو قدمتم وبلشوا استعدوا باللي بعده بخصوص ال high yield ممتازين براجعولكوا الشغلات المهمه وهلء برفقلكوا السلايدات الي بشرحوا منهم الدكاترة على اليوتيوب للي بدوش يسمع الفيديوهات بيوم الامتحان حاولوا ناموا كويس السهر الكتير مش كويس لانو تركيزك بروح وبدك اتضلك ساعتين ونص على شاشة الكمبيوتر بالنهاية ان شاء الله بتعدوا وبتزبطوا وبجوا اسهل من ما تتوقعوا واي سؤال انا جاهز ربنا يوفقكم ويوفقنا ادعولنا❤️