#شلون_اكمل_المادة_اسرع؟!
طريقتي (اذا عجبتك جربها اذا لا غلس) فعالة حيل بس بشرط انته قاري المادة قبل.
- الطريقة اسمها (حصرة الجلب) بس بالعكس انت تحصر روحك متعمد شلون يعني؟!
- بما انه اني قاري المادة قبل و حال كلشي بيها و مطلع ع الوزاريات و مرتب وضعي، الفكرة حرفيا تطبيق لمبدأ المراجعة، الهوه، المطلوب منك بس تراجع المادة يعني تستذكرها.
هاي المعلومة لازم تخليها بالك، مو والله تريد تحل كلشي بليلة الامتحان.
- الفكرة بساطة : بيدك قلمك و كدامك ملزمة او كتاب او اي مصدر ثاني، و يمك الموبايل مطفي النت اكيد، أو أي نوع من المؤقت.
- تجيب الملزمة تحط للورقة الوحدة 5د لا غير يعني لو مدري شيصير 5 د اني مخلص المادة تتحدى نفسك انت دارس الصفحة زين او حتى إذا مو زين، حتى إذا ما فهمت اي شي من القريته عندك هنا خيارين :
- تعيد الـ 5د على نفس الصفحة بس بشرط مو اكثر.
- او تكمل الموضوع كامل أو الفصل كامل بعدين ترجع تعيد الفكرة نفسها.
السلبيات بالنسبة للعالم التدرخ :
- مراح تفيدك ابد، اصلا الفكرة مبنية على الفهم و السرعة، وانك تاخذ معلومات كد متكدر ب5د.
- العالم الاستيعابها بطيء مراح تفيدهم.
ملاحظات عن الطريقة :
- تكدر تزود او تقلل الوقت براحتك تكدر تعيد ترتيب الطريقة اصلا و تخليها بساعة اكمل الفصل كله اذا تكدر يعني.
- اذا فهمت او لا مو مهم المهم تكمل، و بعدها تعيد من جديد.
- الإسلامية و الأحياء و الادب استعمل 5د مرتين او اكثر عادي لان الصفحة بيها معلومات هواي.
. ❤️❤️❤️❤️❤️❤️
+ ونسة حيل و تخلي الملل يروح، لان راح تشوف روحك تنجز أكثر بوقت اقل، و تخليك مركز حيل بالتقرا + اذا الموضوع تحس بعدك ما مضبطه تكدر تعيده من جديد بنفس الفكرة.
حبيت (حصرة الجلب) المعتمدة، تحس روحك انت المتحكم 🌝👍🏻.
❤️❤️❤️❤️❤️❤️
3
1January 15, 2025 219 1
