مبدئيًا مرحبا!!
حابة أحكي معكم بطريقة عبثية هالمرة، ولاتمت بأيّ صلة للتنظيم والفصاحة التي أحبّ.
رح بلش بجملة كتير بحبها..
"من رحم المعاناة يولد الأمل"
واخيرًا الأمل يلي رافقني طول حياتي، صار موجود بشكل فيني شوفه مو بس حسه، الأحلام يلي ضليت سنين طويلة أحلم فيها وحس أنو لاء مستحيل جود! مستحيل يمكن بدك شي مية سنة تانية، بس تحققت.
اي الأحلام تحققت..
صرت حس إني منيحة اكتر، تشافيت من وجع الماضي، من وجع الطفولة ومن وجع الخوف والخذلان المتكرر، صرت حاطة نفسي أولوية وبطلت أشعر بالحزن على شي كان يبكيني ساعات طويلة.
لما تتأكد أنك شفيت، رح تنظر لوجعك بطريقة واعية تخليك تستلهم منها دروس وأفكار وانتصارات ورغبات لا منتهية لتعويض نفسك وذاتك لأنك بتستحق.
من لما حطيت جملة "أنا بستحق" هي أولوية بالنسبة إلي.. تحققت أحلامي.
لأن صرت فيق الصبح وأجبر نفسي عالشغل وعالجامعة وعالمسؤوليات لأني بستحق وصل لمكان شايفته من بعيد.
ووصلت!
ويمكن لسا ح وصل أكتر..
تخرجت
واشتغلت
وتعلمت
وسافرت
واشتريت كلشي ممكن أحلم فيه.
وصرت مقررة استمتع بعشريناتي بالطريقة الصح.. ما فوتها ولا شوي، أحقق باقي أحلامي وافتح شغلي الخاص واقرأ شي مليون كتاب وأعمل وأعمل.. ليش؟
"لأني بستحق"
- جود شقفة.
يوميات عشرينية ممتنة لحياتها.
2026/8/8
Forwarded fromJulia.
5August 8, 2026 1.6K
