شنو يعني CVE؟ هواي منكم يسمعون بكلمة CVE بمواقع الأخبار التقنية أو… — Cyber Security - الامن السيبراني — TG.ME

شنو يعني CVE؟ هواي منكم يسمعون بكلمة CVE بمواقع الأخبار التقنية أو لما ينزل تحديث للموبايل، بس الأغلبية يعبروها وما يعرفون هاي شنو الـ CVE هي اختصار لـ Common Vulnerabilities and Exposures هو رقم لكل ثغرة أمنية تكتشف بالبرامج، المواقع، أو حتى بنظام الاندرويد والايفون ليش يستعملون هاي الطريقة تخيل لو كل واحد يكتشف خلل (ثغرة) بجهاز معين ويسميها بكيفه، جان محد فهم شنو الثغرة وشنو ID مالتها ف تعتبر ID لكل ثغرة ! فـ منظمة MITRE العالمية تنطي لكل ثغرة كود خاص، مثلاً: CVE-2024-12345 السنة: (2024) يعني شوكت اكتشفوها الرقم: تسلسل الثغرة بهاي السنة تعرف حجم الخطورة من يطلع كود CVE، الشركات تنشر وياه "درجة الخطورة" إذا الدرجة عالية (Critical)، يعني لازم تحدث جهازك هسة وبدون تأخير التوثيق يخلي المبرمجين والمهندسين يعرفون بالضبط شنو المشكلة وشلون يسدون "الثغرة" اللي بالبرنامج حتى الشركة ما تضم السالفة وتكول "ماكو شي" الـ CVE يوثق الثغرة ويخلي الكل يعرفون بيها CH : @SparkSecurity