كورس الباطنيه
المواد مالته
باطنيه ( نيورو ورماتو وهيماتو وتوكسو )
أطفال
جلديه
نفسيه
أشعه
هذا الكورس عباره عن فاينل نهايه روته ومدات وفاينل نظري
ماده الباطنيه بيها ٤ مواد ( نيورو وتوكسو وهيماتو وروماتو )
نيورو من ١٠
روماتو ١٠
مد من ٢٠ والمد سهل عدا الهيماتو مُركزه
صارت ٤٠
تبقى الفاينل من ٦٠
نيورو
الروته مزعجه حيل لان د. محمود اسئلته ماادري
احنا بوكتها تأذينا لان هو قفل علينا ( يريد طلاب ابد ميغيبون ويحظرون نظري ) اما د. يوسف حيل حباب حيل واسئلته تخبل
النيورو الروته مليار بالميه تعتمد عليكم فقط
تقرون ماكلويد ٣ جابترات واني ملخصتهن ب ملفات تخبل وياها مال د محمود صور النظري لان يجيب صور من النظري حتى لو ما شارحه وصارت بينا.
فاينل الروته mcq بشكل صور عل داتا
د. يوسف اسئلته فاينل روته وفاينل نظري سهله ومن ماكلويد وكلش يتعب بالشرح ، ضروري ضروري نظري تحظرون ل د.محمود علمود يشوف حظور هواي ومتتاذون بالاسئله
المد ثنينهم جانت زينه
نجي عل روماتو
د. عباس رئيس الفرع ودكتوره فرح وزهراء
د. زهراء اتوقع متجيكم لان راح تولد
تبقى د. عباس وفرح ثنينهم اسئلتهم زينه بس د. عباس يشرح سشن واحد والسشن اللاخ سمنار عل طلاب 😬
د. فروحه تخبل
لازم تعرفون منو الدكتور اللي يحطلكم اسئله نهايه روته علمود تدرسون ملفاته بالأساس وراها البقيه لان اغلب الاسئله من ملفات الدكتور اللي يمتحنكم
توكسو وهيماتو ما بيهن روته ، التوكسو سهل بس ٨ محاظرات بس لتراكموا والهيماتو هم لتراكموا
( الهيماتو بالفاينل النظري كورس يكررون من الملفات والكورس الوراه لا )
نجي عل اطفال
احلى روته بالباطنيه حرفيا بمستشفى الطفل وتخبل و العملي بس هستري واكزام اما نظري اللي يسألون منه بالعملي ف يريدون بس لقاحات وديفيلوبمنت اللي درستوها بالرابع
ينطوكم سستمات :
هيماتو
نيورو
ريسبا
كارديو
روماتو
انفكشنات
توكسينات
اندو
نفرو
ومواضيع جوندس وكم ملزمه
المد مالته احنا سهل جان والميجر الورانه جان وسط إلى صعبه اما اسئله الفاينل جانت احنا تخبل وسهله بس الميجر الورانا لا كالوا صعبه ، هو الأطفال بين ميجر وميجر يعني ميجر سهل وميجر صعب ، دكاترة الاطفال كلهم يملخ شرحهم ويسوه الحظور عدا د. باسل واصلا تقاعد
امتحان لونك بالمستشفى ( على مريض ) من ٣٠
المد ١٠
فاينل نظري من ٦٠
الاشعه
ثاني احلى روته بالباطنيه ، بيها كوز من ١٠ ب سستمين وفاينل نهايه روته من ٣٠ والنظري فاينل من ٦٠
اسئلتهم حلوه والله عدا د. نجلاء و د. منى 😁
تكون مركزه كلش
( د. فرح و د. رفل و د. عبد اللطيف ب رأيي الشخصي همَ احسن تدريسيين بفرع الاشعه كلش كلش شرحهم حلو )
ب روتة الاشعه يشرحولكم شلون تقرون اشعه مال سستمات ريسبا ونيورو وgit و بريست و ميل وفيميل جنتال و سوالف spine and musculoskeletal و pediatric
نفسيه إذا باقي عليكم دكتور حسين ف واو واو واو
( النفسيه احنا ما عدنا تدريسي ف يتعاقدون وياهم من الصحه ويتبدلون كل سنه او بين ميجر وميجر )
الدكتور اسئلته زينه وتعامله يخبل
الجلديه
ك روته وسط
مدتها ٣ اسابيع
اول اسبوع تحسون روحكم تايهين لان مصطلحات جديده بس عادي بعدين تتعودون
كلهم شرحهم يخبل ويجيبون من كلامهم عدا د. انوار وواحد دكتور اسمه سلام
ارقى ٢ فاضل الصفار ورنا حلمي
المد مالتهم زين
عدا دكتور وسام هو من الملازم بس يغير كلمه ف لازم كلش مُركزه مثلا always يسويها usually
الفاينل زينه بس المُشكله ب د. انوار
كل دكتور يحط ٢٠ سؤال
د. انوار احنا جانت ١٠ زينه و ١٠ لا من المريخ
الميجر الورانا كالوا كلهن مال د. انوار صعبه
ملاحظه : احنا بالمد دكتور وسام جاب اسئله عددهن ٢٠ نفسهن بالضبط كررهن بالفاينل اما الميجر الورانا كرر كم سؤال فلذلك اجمعوا اسئلته
المد من ٢٠ للباطنيه والجلديه
اطفال مد من ١٠
اشعه ونفسيه ماكو مد
مدة كل روته كلهن على اسبوعين عدا جلديه واطفال ٣
وأكيد آخر روته تتقلص اسبوع دائما
حظور النظري
انصح للأطفال كلهم عدا باسل
ونيورو د. محمود
جلديه د. فاضل ورنا
اشعه فرح ورفل وعبد اللطيف واذا أخذتكم وحده اسمها مُنى ف فوتوا لان بنهايه كل محاضره الها تسوي كوز وتنطي درجه على كل كوز
هي تسوي ٥ كوزات يعني ٥ درجات عل سعي
نفسيه إذا دكتور حسين ف لازم تفوتون لان يجيب من كلامه ويهتم للحظور
رأيي الشخصي : إني احب الباطنيه كلش كورس جان لطيف وحلو وحتى ويه مداته حلو ( اني بديت اول كورس باطنيه ف ما عانيت بالمد لان جان بالشتا بس الميجر الورانا صار المد مالتهم ويه رمضان ) والشي الحلو بميجر الباطنيه تحسبون الدرجه تجيكم مثل ما هي بالضبط عدا الأطفال ال لونك يعتمد عل حظ ونيورو هم ك منو يحط الاسئله
الباقي حسب قرايتكم
السؤال الأزلي شنو اقره بالعطله لميجر الباطنيه ؟
بالنسبه الي ك مواد ميجر الباطنيه بس النيورو والاطفال اقروا منه ريسبا ونيورو ( واذا تريدون روماتو من ماده الباطنيه ف كيفكم )
August 1, 2026 915 33
