أول غلطة أمنت بيك
حبيتك محبة ناس غشمة
حسبالي الگلوب بلون الوجوه
گلت يرجعلي ضعف الراح أقدمه
چنت ما جابرك بس أنت صريَّت
تاخذ مني كلمة وتنطي كلمة
وبدت قصتنا من چان الوكِت ليل
وماحسينا بيها الدنيا ظلمة
سولفنا وبدت تحلى المواضيع
واحد يم الآخر يحچي حلمة
وبديت أتمنى وأعرف معنى الألوان
شوي شوي گلبي بيدك أسلمه
من گد ما تشاركنا التفاصيل
فكرت النفس وياك أقسمه
حبيتك وگلبي العاش محروم
أخيرًا قررت ماراح أحرمه
شفته من الصعب ينعاد مرتين
حُب كل المشاكل ما تهدمه
حُب ماتگدر توگفه التقاليد
ومِن المستحيل توگفه قسمة
August 8, 2026 27
