ရှင်းပြစရာ မလိုတဲ့လူနဲ့၊ ရှင်းပြဖို့ မလိုတဲ့ လူ။ ရှင်းပြစရာ… — 𝗦𝗼𝗺𝗲 𝗟𝗲𝘁𝘁𝗲𝗿 𝗙𝗼𝗿 𝗬𝗼𝘂 — TG.ME

ရှင်းပြစရာ မလိုတဲ့လူနဲ့၊ ရှင်းပြဖို့ မလိုတဲ့ လူ။ ရှင်းပြစရာ မလိုတဲ့လူဆိုတာ၊ သူတို့က ကိုယ့်အကြောင်းကို ကောင်းကောင်းသိတယ်။ ကိုယ့်ရဲ့ စေတနာ၊ ကိုယ့်ရဲ့ စရိုက်နှင့် ကိုယ့်ရဲ့ လုပ်ရပ်တွေအပေါ် ယုံကြည်မှု အပြည့်ရှိတယ်။ ဘာကြောင့် ငါ ဒီလိုလုပ်ရသလဲဆိုတာကို အထူးတလည် ရှင်းပြနေစရာမလိုပဲ အလိုလို နားလည်နိုင်တဲ့သူ။ နှလုံးသားချင်း နီးစပ်သူတွေလို့ ဆိုနိုင်ပါတယ်။ ရှင်းပြဖို့ မလိုတဲ့လူဆိုတာကတော့၊ ကိုယ်က ဘယ်လောက်ပဲ အမှန်တရားကို ပြောပြော၊ အကျိုးအကြောင်း ခိုင်ခိုင်လုံလုံနဲ့ ရှင်းပြရှင်းပြ၊ သူတို့ မြင်ချင်သလိုပဲ ဆက်မြင်နေမယ့်သူတွေ။ ကိုယ့်အပေါ် အဆိုးမြင်စိတ် ရှိနေရင်ဖြစ်ဖြစ်၊ နားလည်ပေးဖို့ ဆန္ဒမရှိရင်ဖြစ်ဖြစ် ရှင်းပြနေရတာဟာ အချိန်ကုန်ရုံပဲ အဖတ်တင်တတ်ပါတယ်။ ကိုယ့်ကို နားလည်တဲ့သူအတွက် ရှင်းပြဖို့ မလိုသလို၊ ကိုယ့်ကို နားလည်ဖို့ ဆန္ဒမရှိတဲ့ သူအတွက်လည်း ရှင်းပြနေတာဟာ အပိုဖြစ်ပါတယ်။ ဒါကြောင့် ကိုယ့်ရဲ့ တန်ဖိုးရှိတဲ့ အချိန်နဲ့ စိတ်စွမ်းအင်တွေကို ဘယ်သူ့အတွက် အသုံးချမလဲဆိုတာ ရွေးချယ်တတ်ဖို့ လိုပါတယ်။