واحد بيحكي إنه اتأذى من شخصية كانت مُقرّبة ليه ولما رجعت الشخصية دي تكلمه تاني معرفش يرجع معاها زي الأول ولا حتى عرف يتعامل معاه وقال كده بالنص :
) "أنا ما عرفتش أصفالها بس أنا قلبي مش وحش والله )
سيدنا النبي لما جاله وحشي يعلن إسلامه .. قاله : "هل تستطيع أن تغيب وجهك عني ؟ - مش قادر أشوفك - سيدنا النبي رغم رحمته وتسامحه لكن اللي عمله وحشي من قتله لسيدنا حمزة أحب أعمام سيدنا النبي لقلبه خلاه مش قادر يتعامل معاه بشكل طبيعي ولا حتى يشوفه أصلا لأنه هيفتكر بشاعة الموقف في كل مرة يشوفه فيها .. القلوب ليها طاقة وكل إنسان قدرة تحمله مختلفة عن التاني، العفو محتاج قوة عظيمة، وشعور الإنسان بصعوبة العفو عن اللي أذاه أو رفض حتى وجوده في نفس المكان ما تدلش إنه إنسان سيء أو قلبه اسود إطلاقا .. بالعكس ده انت قلبك نضيف لدرجة إنك مش مستحمل النفاق حتى لو بكلمة فاللهم اجعلنا من الناس الخيرين.. لا نترك في الناس إلا أثرًا طيبًا ولا ينالنا إلا دعاء جميل.
44
6
4
3August 30, 2026 1.2K 37
