◀️ *س/يعني ايه صلاة الخسوف أو الكسوف ؟ وكم ركعة وبنصليها ازاي ؟؟*
ج/صلاة الخسوف أو الكسوف سنة مؤكدة بتتصلي لما يظهر الخسوف في بلدك
وهي صلاة جهرية عددها ركعتين
1️⃣الركعة الأولى :
هتقرا الفاتحة و بعدين قراءة طويلة لأي سورة
و بعدين تركع و بعدين تقوم من الركوع وتقول سمع الله لمن حمده ... لحد هنا صلاة عادية خالص اهو ...
⛔ الاختلاف فين ؟؟!
بعد ماتقول سمع الله لمن حمده ربنا ولك الحمد..مش هتسجد بقى ❌
هتبدأ قراءة الفاتحة مرة تانية و تقرأ سورة مرة تانية اقصر شوية من السورة الاولى
و بعدين تركع و تقوم من الركوع تقول سمع الله لمن حمده و بعدين تسجد السجدتين عادي
و بكده تكون خلصت أول ركعة
وتكرر نفس الخطوات دي في الركعة التانية
والصح انك تطول في القراءة على أد ما تقدر الأفضل طول وقت الخسوف ،
و القراءة في الركعة الأولى تكون أطول من التانية
**
◀️ *س/هل لازم القراءة في الركعة الاولى تكون اطول من التانيه ؟؟ وهل ينفع القراءة من المصحف ؟؟ ولو فيه سور معينة المفروض نقرأها* ..
ج/يستحب القراءة في الركعة الاولى تكون أطول من الثانية لان هي دي صفة صلاة النبيﷺ
و أيوة ينفع القراءة من المصحف
ومافيش سور معينة لازم نقرأ بيها في صلاة الكسوف ..تقرأ أي سور عادي
**
◀️ *س/ لو دخلت لصلاة الكسوف وفاتني اول ركوع في الركعة الاولى بس لحقت الركوع التاني ... اعمل ايه ؟؟*
ج/ هتكمل مع الامام ولما الإمام يسلم ويخلص الصلاة هتقوم تجيب ركعة كاملة من صلاة الكسوف ...⚠️ركعة كامله فيها ركوعين مش واحد بس
***
◀️ *س/النساء تصليها في البيت ولا في المسجد ؟؟*
الافضل تصليها جماعة في المسجد
وينفع تصليها في البيت لوحدها عادي
***
◀️ *س/لو خلصت الصلاة ولسه الخسوف موجود أو لو ماقدرتش أصلي أعمل ايه ؟؟*
ج/هتقضي الوقت لحد زوال الخسوف في الذكر والدعاء والاستغفار
**
◀️ *س/صلاة الخسوف نصليها حسب الوقت اللي قاله معهد الفلك ولا لما نشوف الكسوف بعيننا ؟؟ ولو ماشوفناش الخسوف نصلي ولا لا؟*
ج/ صلاة الخسوف تصليها لما تشوف الخسوف في بلدك ...
و لو معهد الفلك قال ان هيظهر خسوف وماظهرش في بلدك يبقى ماتصليش صلاة الخسوف
***
7August 27, 2026 135 1
