ولك شِتريد مَن عِندي ؟
عَذرتك خير مَن اللّه
" العذر ماعاذر ابگدي "
وزلاتك هَواي مِنين بيها ابَدي
اعَديلك هذيج البيها بيه انطيت ؟
تجَي هِاي الجديده ادگلي لتعَدي !
وشِمتك بالزند خافن بعَيد اتصير
اشمن صَورتك واتمعن ابزندي
بحر ما ينكحم والروج بي مغتاض
والخوره اشعالاهه ووصلت الحدي
وانتَ ابلا خِطيه
ابلا رحَم واحساس
فلشت السفينه
ورحت للمردي !
ولك شتريد من عندي
انا كد ما بدلتني ابناس
جلد الحيه مامتبدل ابكدي !
September 6, 2026 241 1
