Session Questions2023: post #191 — TG.ME

طلاب المرحلة الخامسة اعتقد اغلبكم اسبوع الجاي امتحانهم السريري نصيحة لا تنخبصون بكثرة الملفات و لا تتوترون قبل الامتحان لان هالشي ياثر سلبي عليكم لان الامتحان اما يكون سلايدات و عليه وقت محدد و هالشي بحد ذاته يخليكم تتوترون او الامتحان مع الدكتور هو يسالك و هالشي مرعب لبعض الطلبة بس بشكل عام الدكاترة متساهلين بالنسبة للجراحة ركزوا على اللي ركزو عليه بالشرح هو اللي راح يجي و الامتحان اورال جاوب على كد السؤال و بس نسائية اقروا محاضرات النظري و لا تنخبصون لمن دتجاوبون ترا كلهم حبابين و ينطوكم مجال تفكرون بالجواب اطفال هو امتحان كيسات بس رتب الهستري و بالذات ال HOPI هما ما راح يلحون بالاسئلة و الاكزام حاول تسويه قبل لا يصلون نفسية اسئلة سنوات 🤍 عيون اهم شي السرعة ال ent حتشوفونه كلش سهل امتحان عبارة عن سؤالين واحد ادوات و الثاني كيس و كلها اسئلة من ضمن الشرح ابد ما يطلبون خارجي جلدية مرات يكررون و مرات لا بس اهم شي الوصف و انتبه للهستري يفيد اغلب المرات اشعة السرعة بيه مهمة و اهم شي بالجواب هو ال describe اغلب الدرجة عليه و السلايدات اغلبها من الملفات اللي شرحو عليها و الخارجية تكون واضحة دائما طب الاسرة فد شي كلش خفيف الاسئلة هي نفسها اللي تنطرح خلال الشرح و يجيبون الكمن دائما