Бишкек шаҳрида ўтаётган ШҲТ саммити доирасида Шавкат Мирзиёев Хитой раиси Си Цзиньпин билан музокара ўтказди.
Учрашувда стратегик шериклик ва кўп қиррали ҳамкорликни янада кенгайтириш масалалари муҳокама қилинди:
➖ Келгуси йилда мамлакатларимиз ўртасида дипломатик алоқалар ўрнатилганига 35 йил тўлади. Ушбу қутлуғ санани кенг нишонлаш бўйича тадбирлар дастурини тайёрлаш таклиф этилди.
➖ Товар айирбошлаш ҳажмини яқин йилларда 30 миллиард долларга етказиш асосий мақсад қилиб белгиланди.
➖ Қўшма лойиҳалар портфели қарийб 60 миллиард долларни ташкил этмоқда. Энергетика, яшил иқтисодиёт, қишлоқ хўжалиги, тоғ-кон саноати ва юқори технологиялар соҳаларида кооперацияни чуқурлаштиришга келишилди.
➖ “Хитой – Қирғизистон – Ўзбекистон” стратегик темир йўлини қуриш ишлари жадал давом эттирилаётгани қайд этилди.
➖ Таълим, туризм, фан ва ёшлар алмашинувини кенгайтириш, жумладан, Хитойда Ўзбекистон маданияти кунларини ўтказиш режалаштирилди.
Музокаралар якунида Шавкат Мирзиёев Си Цзиньпинни Ўзбекистонга расмий ташриф билан келишга таклиф этди.
Telegram | Instagram | Facebook
August 31, 2026 2.4K 3
