ما أدري كيف ممكن أشكركم، لأن مهما قلت أحس الكلام ما راح يوفيكم حقكم. من أولى ثانوي إلى ثالث ثانوي وأنتم معانا، تساعدوننا وتوفرون لنا الملخصات والمراجعات وكل شيء ممكن يفيدنا، وكنتوا فعلًا من أكبر الأشياء اللي سهّلت علينا هالسنوات.
أحب أشكر صاحبة القروب على كل الوقت والجهد والتعب اللي بذلته عشان توفر لنا كل هالملخصات والمراجعات، وعلى إنها كانت حريصة إن كل شيء يوصل لنا ونستفيد منه. وأشكر كل المشرفين والأدمن اللي كانوا موجودين معنا، سواء بالرد على أسئلتنا أو ترتيب القروب أو توفير الملفات والملخصات أو أي شيء ثاني يمكن ما كنا ننتبه له، لكنه كان يحتاج منكم وقت وجهد كبير.
من مواد المدرسة إلى القدرات والتحصيلي، حرفيًا ما خليتوا لنا شيء إلا وساعدتونا فيه. يمكن وقتها كنا نشوفها مجرد ملخصات وملفات، لكن اليوم بعد ما خلصنا هالمرحلة عرفت قد إيش كان لها أثر كبير علينا، وكم وفرت علينا تعب ووقت وقلق.
واليوم وأنا أقول لكم إني دخلت طب صحة عامة، حبيت أقول لكم إنكم كنتوا جزء من هالرحلة، وجزء من الطريق اللي أوصلني لهذي اللحظة. 🤍
يمكن ما تعرفون قد إيش فرحت وأنا أكتب لكم هالكلام، لكن فعلًا من الأشياء اللي أفتخر فيها إني كنت موجودة في قروب كان فيه أشخاص يعطون من وقتهم وجهدهم عشان يساعدون غيرهم.
شكرًا لكل مشرف وأدمن وصاحبة القروب، شكرًا على كل ملف، كل ملخص، كل مراجعة، كل نصيحة، وكل دقيقة قضيتوها وأنتم تحاولون تسهّلون علينا. والله ما نسيت لكم شيء، وأثر تعبكم وصلني ووصل لكثير غيري.
الله يكتب أجركم عن كل طالب وطالبة استفادوا منكم، ويجعل كل حرف وكل معلومة قدمتوها في ميزان حسناتكم، ويرزقكم أضعاف ما أعطيتونا، ويفتح لكم أبواب الخير والتوفيق مثل ما فتحتوا لنا أبواب كثيرة. 🤍
أنا اليوم وصلت للحلم اللي كنت أتمناه، وطب صحة عامة صار واقعي، وأنتم من الأشخاص اللي كان لهم أثر في هالطريق بعد الله. وهذا فضل مستحيل أنساه.
من جد… شكرًا من القلب، والله يجزاكم عنّا خير الجزاء. ❣️❣️❣️🥹
Forwarded from26🎓
44
3August 12, 2026 3.9K 13 4
