Вот как прошло 1 сентября в Сунтарском улусе:
*Билии күнэ Сунтаарга: саҥа үөрэх дьыла ситиһиилээхтик саҕаланна*
🔔🔔🔔Балаҕан ыйын 1 күнүгэр Сунтаар улууһун үөрэх кыһаларыгар ураты долгутуулаах уонна үөрүүлээх күнүнэн буолла. Быйылгы үөрэх дьылыгар улуус үрдүнэн уопсайа 32 оскуола аанын киэҥник арыйан, үөрэнээччилэрин көрүстэ.
Саҥа үөрэх сылыгар 4000-тан тахса оҕо үөрэх-билии аартыгар үктэннэ. Кинилэр ортолоругар олоххо маҥнайгы хардыыларын оҥорон, оскуола боруогун аан маҥнайгытын атыллаабыт кырачаан бастакы кылаас үөрэнээччилэрэ ураты долгуйууну биллэрдилэр.
Улуус үөрэҕириитин систиэмэтигэр өссө биир үөрүүлээх сонун, быйыл 21 саҥа эдэр учуутал үлэтин саҕалаата. Кинилэр улуус араас оскуолаларыгар ананан, оҕолорго дириҥ билиини биэрэн саҥа үрдэллэри дабайыахтара диэн эрэнэбит.
Бу үөрүүлээх тэрээһиннэргэ улуус баһылыга Анатолий Григорьев кыттыыны ылла. Кини бары үөрэнээччилэри, төрөппүттэри уонна учууталлары Билии күнүнэн итиитик-истиҥник эҕэрдэлээтэ. Баһылык улууска үөрэҕирии таһымын үрдэтии уонна оҕолор сайдалларыгар усулуобуйаны тэрийии улахан суолталааҕын бэлиэтээтэ уонна оҕолорго ситиһиилээх үөрэҕи, учууталларга айымньылаах үлэни, төрөппүттэргэ тулуурдаах буолалларыгар баҕарда.
Быйылгы Билии күнэ Сунтаар улууһугар олус таһаарыылаахтык уонна үрдүк тэрийиилээхтик бэлиэтэннэ. Саҥа үөрэх дьыла сырдык билиини, үрдүк ситиһиилэри уонна саҥа кыайыылары аҕаллын!
_Сунтаар улууһун дьаһалтатын пресс-сулууспата_
https://max.ru/id1424005501_gos/AaBbJkInJNE
7
5
2September 2, 2026 1.8K 1 2
