تەوەر : ئەم ژ پێغەمبەران عەزیزتر نینین
بەڕێز سەیدایێ : ئازاد بێسفکی | خودێ بپارێزیت
شەڤا سێشەم لسەر چوارشەمب: 1/9/2026
گەلەک بابەتێن هەین کو طەلەبێ زانستێ شەرعی پێدڤی پێیە بەلێ مە ئەڤ بابەتە هەلبژارد ژبەر گرنگیا وێ، مروڤ چەند پتر فێلی دینێ خو بیت دێ پتر توشی نەخوشیان بیت، هەروەکی چاوا پێغەمبەران سلاڤل سەر هەمیان بن توش دبونێ، ژبەر هندێ ئەم ژ پێغەمبەران عەزیزتر نینین، و مروڤ دێ توشی ئەزمونا بیت دگەل دەوروبەرێ خو،
(قال رسول اللە ﷺ التؤدة في کل شيء خیر إلا في عمل الآخرة)
پێغەمبەر ﷺ دبێژیت : لسەرخوبون و لەزنەکرن دهەمی تشتاندا خێرە و باشە بتنێ دکارکرنا بو ئاخیرەتێ تێنەبیت.
| صحيح الترغيب ( ٣٣٥٨ )
طەلەب کرنا زانشتێ شەرعی ب تنێ ئەو نینە کو بەس کتێبا بخینیت و خلاس، بەلکی دێهێتە جەرباندن و ئیمتیحانە کرن وەکی خودێ تەعالا دبێژیت:
(أَحَسِبَ النَّاسُ أَن يُتْرَكُوا أَن يَقُولُوا آمَنَّا وَهُمْ لَا يُفْتَنُونَ)
ئەرێ مروڤان هزركرييه كو ئەگەر وان گوت مه باوەری ئینا خودێ بێ جەرباندن دێ وان هێلت؟
{سورة العنکبوت ئایەتا دوویێ}
ڤێجا یا خەلەتە مروڤ بێژیت یاربی مە ئیمان ئینا و خلاس بەلکی نەخێیر خودێ دێ سەحکەتە عەمەلێ مروڤی کا یێ چەوایە،
ڤێجا دێ بینی هندەک طالب علم هەنە کو ئاخفتن و گوتنێت وان نەشیرینن و ناڤ چاڤ گرێنە، دڤێت طالب علم برەحم بیت دگەل مروڤێن عەوام و نەزان وەکی خودێ طەعالا دبێژیت:
(وَلَوْ كُنتَ فَظًّا غَلِيظَ الْقَلْبِ لَانفَضُّوا مِنْ حَوْلِكَ)
و ئەگەر تو یی رەوشت خراب ودلرەق بای هەڤالێن تە دا ژتەفەرەفن.
{سورة آل عمران ئایەتا 152}
ـــــــــــــــــ
. ئەو جورە تاقیکرنێن دهێنە بەرامبەر فێرخوازێ زانینێ بکورتی:
١_خالەکا گرنگ کو قوتابیێ زانستێ شەرعی دکەڤنە تێدا نەبوونا نیەتا پاقژە بۆ خودێ، یان دێ بینی هندەک یێن هەین سلاڤ ناکەن یان ڕێزێ ل مێهڤانا ناگرن، یان دێ بێژیت فلان کەس لدەف مامۆستایێ من ناخوینیت لەوا ئەز سلاڤ ناکەمێ، فێرخوازێ زانینێ نابیت یێ هوسا بیت.
٢_مرۆڤ دەمێ داخوازا زانینێ کر دڤێت دگەل خێزانا خۆ یێ بێهن فرەھ بیت و جێگیر بیت لسەر حەقیێ و بزانیت چاوا دێ تەعاملێ کەت ب حیکمەت و کاربنەجهی، وەکی خودایێ مەزن دبێژیت:وَوَصَّيْنَا الإِنْسَانَ بِوَالِدَيْهِ احُسانا .
٣_قوتابیێ زانینێ دهێتە تاقیکرن ب هەبوونا هەڤال یان ماموستایەک کو ڕێز ل ئێکێ دگریت و ئێکێ نە، یان ڕێزێ ل عەواما ناگریت.
٤_ئەو تشتێ قوتابیێ زانینێ تێدکەڤیت دێ بێژیت: ئەز یێ ب تنێ مە، نەخێر، خودێ و مەلائیکەت یێ دگەل دا.
٥_علم یێ هەی بەلێ کار پێ ناکەت.
٦_ناچێبیت قوتابیێ زانینێ مژویلی گەلەک ئاخفتن و جرەبڕێ بیت.
٧_دڤێت قوتابیێ زانینێ بزانێت وی چەند زانین هەبیت ژ وی زاناتر یێ هەی، وەکی چاوا موسا چوو دەف خضر و گۆتێ ئەوا خودێ نیشا تەدای من فێربکە.
٨_دەمێ فتنە دهێت چ بکەت؟ دڤێت دەست ب حەبلێ خودێ تعالا ڤە بگریت و پشتا خۆ پێ گەرم بکەت، و بزڤریتەڤە بۆ قورئان و سوننەتێ، و پسیارا خودان علما بکەت و رەئیا وان وەربگریت، خودێ تعالا دبێژیت:وَشَاوِرْهُمْ فِي الْأَمْرِ. ئانکو پسیارا وان بکە و رەئیا وان وەربگرە.
فێرخوازێ زانستێ شەرعی دڤێت گەلەک بخوینیت، زیکا بنڤیت و زیکا ژخەو هشیاربیت، پسیارا بکەت و شەرم ژ فێربوونا دینێ خۆ نەکەت، دەمێن خۆ ڕێک بێخیت، دوعا ژ خودێ بکەت کو زانینا وی زێدە بکەت، و گوهداریا دەیک و بابێن خۆ بکەت، یێ ئارام بێت، ب کاربنەجهی و حیکمەت سەرەدەریێ بکەت، و ویردێ قورئانێ هەبیت.
پسیار: فێرخوازێ زانستێ شەرعی حەتا چ دەم داخوازا زانینێ بکەت؟
بەرسڤ: هەتا مرنی وەکی ئیمام ئەحمەدێ کورێ حەنبەلی دگۆت: مع المحبرة الی المقبرة، ئانکو دگەل قەلەم و حبر دانێ هەتا ناڤ گوری.
پسیار: هندەک کەس یێن هەین دێ بێژن ئەڤە سوننەتە و گرنگیێ پێ نادەت؟
بەرسڤ: سەلەفا سوننەت ئەنجام ددان چونکو سوننەت بوو، بەلێ ڤێگاڤێ سوننەتا دهێلن چونکی سوننەتە، ڤێ جیاوازییێ.
پەیام و ئامۆژگارییا مامۆستای: هەتا مرنێ بخوینن، رەفتارا خۆ بگوهرن دگەل مال، دوعا بۆ ماموستایێن خو بکەن چونکی ئەو مەزنترین نیعمەتن لسەر مە، دوعا بۆ هەمی موسلمانا بکەین، و هەروەسا علم و تەقوا و عەمەلی پێکڤە ل نک خۆ کۆم بکەین.
