ليه التغيير المفاجئ ده !! لا دي كانت طبيعتي ولا أنا متربية على ايد شيوخ الازهر مثلا ولا الناس اللي حواليا كده !!
من حوالي أربع سنين واحدة بعتتلي في ال ask إني أجرب اللبس الواسع " چيب وفساتين " وابعد عن البناطيل وده كان ردي :
" بحب الفساتين جداً بس بحس إن الچيب بتقصرني ، هجرب تاني ❤️"
وفي لحظة حالي إتغير ١٨٠ درجة ، التفسير الوحيييد هي جملة سمعتها من واحدة صحبتي كنت بقولها ليه في ناس معروفين بذنوب معينة " بيجهرو بيها " بنلاقيهم كل سنة وسط الحجاج والمعتمرين مع إنهم بيرجعو للذنب تاني بعد الحج أو العمرة ، هو مش الحج أو العمرة إصطفاء من الله عز وجل ازاي كدا ؟؟
قالتلي : ربنا بيُلقى على عباده نفحات إيمانية يشوف فيها الانسان نفسه على طريق الإستقامة لعل وعسى يحب نفسه على الطريق ده ويتوب فيَصدُق في توبته فيصدقه الله ويكتبه من التائبين الصادقين
آخر حاجة هقولها إن الموضوع مش شطارة مني وإن قلبي لا مال ولا حب الطريق ده إلا بأمر منه سبحانه وتعالى ، ربنا يثبتني ويرزقكم هدايته ❤️
~غادة مصطفى.
46
4
1August 27, 2026 3.3K 14
