لو هتسكن/ي في سكن طلبة أو مدينة جامعية ...ركز مع الكام نصيحة دووول
1️⃣ وانت بتختار سكن ضروري تختار ناس شبهك تسكن معاهم ،تدينهم زي تدينك ،أخلاقهم وقيمهم زي قيمك
مثلا انتوا الاتنين محجبات زي بعض ،انتوا الاتنين ممنوع عندكم علاقات الشباب ، انتوا الاتنين مش بتوع سهرات والذي منه....
مهم جداااا تختاروا ناس شبهكم في السكن وفي الأوضة في المدينة الجامعية
2️⃣ لو لقيت اللي انت ساكن/ة معاهم هيضروك في دينك أو في مذاكرتك ....اوعى تتردد في إنك تغير السكن ده أو الاوضة في المدينة دي فورا بعد استشارة حد أمين مهما كان المبلغ اللي اتدفع...معلش الخسارة القريبة احسن من الخسارة البعيدة بالذات لو كانت خسارة في دينك واخلاقك ومذاكرتك
3️⃣ انت هتكون في بلد بعيد عن أهلك ومش شايفينك بس ربنا الرقيب معاك في كل مكان ..اوعى تعصيه او تعمل حاجة تغضبه وتقول اصل ماحدش شايفني
4️⃣ الصحبة ...ركز اوي واختار صاحبك/صاحبتك بعناية ومش أي حد يقولك تعالى نجرب كذا تسمع كلامه
اسمع مني وبلاش تقول أيه المشكلة أجرب كذا....أغلب اللي وقعوا بدأ معاهم بحب التجربة والفضول
بتبدأ باتفرج بس واجرب وبعدها بيقع في مصايب كتيييير
5️⃣ حافظ/ي على صلاتك وخليك مبادر ماتسكتش على الغلط ابدأ بنفسك واعمل الصح وماتسكتش على الغلط ساعتها الكل هيخاف يشدك للغلط
6️⃣ خدوا بالكم وانتوا في السكن ان صحيح كلكم شباب أو كلكم بنات ...بس هتفضل فيه عورات ماسنفعش تظهر فتاخدوا بالكم من اللبس
وتاخدوا بالكم ان النبي نهى ان اي اتنين كبار بالغين يستغطوا بغطاء واحد
فقال "ولا يُفْضِي الرَّجُلُ إلى الرَّجُلِ في ثَوْبٍ واحِدٍ، ولا تُفْضِي المَرْأَةُ إلى المَرْأَةِ في الثَّوْبِ الواحِدِ"
كل واحد بيستغطى بغطاء لوحده حتى لو كلكم كويسين ونيتكم تمام دي وصية النبي
7️⃣ ماتتكسفش تقول لا....
لا لصاحبك اللي بيقولك جرب سيجارة أو تعالى اتفرج معايا مقاطع 🔞
لا لصاحبتك اللي بتقولك انتي في الجامعة ولازم تحطي مسكب وتكلمي شباب ماكل البنات كده
لا لشلة الشباب والبنات اللي هتلتقيهم بيفتحوا كلامةعن عادة سرية أو غيرها من أي حاجة هتأذيك
قول لا من أول الطريق هيسهل عليك كتييييير بعد كدة
#رسايل
17
11
3
2
1August 23, 2026 1.5K 12
