هل كان الصحابة بيحبوا النبي ﷺ أقل مننا؟
كلنا بنقول إننا بنحب النبي ﷺ .. ودي نعمة كبيرة ♥️
⁉️ بس اسمحلي أسألك سؤال بسيط:
مين كان بيحب النبي أكتر؟ إحنا .. ولا الصحابة؟
أكيد مفيش مسلم هيقول إن حبنا للنبي ﷺ أكبر من حب أبي بكر، أو عمر، أو عثمان، أو علي، رضي الله عنهم جميعًا..
دول ناس كانوا مستعدين يضحوا بنفسهم علشان ما يوصلش للنبي ﷺ شوكة..
طيب..
لو كان فيه طريقة معينة نعبر بيها عن حب النبي ﷺ، وتقربنا من ربنا .. هل تتخيل إن الصحابة كلهم ما يعملوهاش؟
هل ممكن يبقى خير، وأقرب الناس للنبي ﷺ ما يعرفوهوش، وييجي بعدهم ناس بعد مئات السنين يكتشفوه؟
أكيد لأ
عشان كده كان الصحابة كل ما يحبوا يتقربوا لربنا، كانوا يسألوا سؤال واحد:
النبي ﷺ عملها؟
لو عملها .. عملوها
ولو ما عملهاش .. وقفوا عند اللي وقف عنده.
وده مش لأن محبتهم كانت قليلة..
بالعكس.
لأن محبتهم كانت كاملة 🤚
كانوا عارفين إن النبي ﷺ ما سابش باب خير إلا ودل الأمة عليه، وما كتمش عنها حاجة تقربها من ربها.
عشان كده، المحب الصادق مش بيدور على طريقة جديدة يحب بيها النبي ﷺ
المحب الصادق بيدور على هدي النبي ويتبعه ، يدور على سنة نسيها الناس، فيحييها.
وده أجمل تعبير عن الحب..
كل ما زاد حبك للنبي ﷺ .. زاد حرصك إنك تتبعه 😍
#رسايل_في_حب_النبي #حب_واتباع #رسايل
15
12
2August 22, 2026 1.3K 8
