لَكن كلمة (قَل الوداع) الاغنية هاي غناها عمرو دياب لكَن الحقيقة هاي مو اغنية عن الفراق هاي لحظة صدمة لحظه الواحد يكتشف بيها انو الحكاية الي جان عباله حلم عمره
(طلعت وَهم)
الكلمات بتبدأ بسؤال بسيط كلش بس بيجرح شويتين
( قالي الوداع وهقوله أيه؟)
(هوه الوداع يتقال في أيه؟)
السؤال هنا مو ع مود الرد
السؤال عن الموقف نفسه يعني شلون واحد جان كل حياتك يصير فجأة شخص بيقلك خلاص
بعدين الاغنية بتدخل في شي اعمق شويه
( اخترتوا ليه واخترني ليه؟ كان قلبي ليه وقلبوا مش ليا)
الجمله هاي بتوصف شعور هواي ناس
احساسك انو جنت داخل علاقه بكل كلبك لكن الطرف الثاني جان واكف ع الباب اول ماتعب راح
بعدين تجي للجمله الي تعتبر كلبت الاغنية كلها
(حسيت اني لقيت حلم السنين وصحيت فجأة بقيت من المجروحين؟)
هاي اخطر لحظه بأي علاقة اللحظه الي انتَ تصحى بيها انك بتكتشف انو حلم سنين الي جنت باني عليه حياتك
اتكسر بثانيه
الي يوجع اكثر مو لان راح اليوجع اكثر
الطريقه
( ياريته قال حيروح يغيب ومكنش قال بقالوا حبيب) ههههههه
يعني حتى الوجع ممكن يكون خفيف لو الحقيقه انحجت بالبدايه
لكن انك تعوف جرح وتعوف ورا سؤال
هوه هذا الي حيظل عايش
وهاي الاغنية من تنسمع كل واحد بينه
حيذكر لحظه معينه لحظه جان عباله انه لكه حلم السنين وبعدين فجأة كعد لكه نفسه ويا الناس المجروحه؟
ويمكن هيج الاغنية توجع لان مو ع مود هيَ تحجي ع الفراق بس لا هاي تحجي عن اللحظه الي بتكتشف انو انتَ حاط كلبك كله بحكاية ولحكاية هاي ماجانت حاطتك نفس الطريقه
لحظه الي تسأل بيها نفسك
اخترته ليه؟ واختارني ليه؟؟؟
بس الحقيقه الي محد حيكولها الك
أنُ بعض الناس تحي بحياتنه مو ع مود تكمل ويانه الطريق لا
بس ع مود تعلمنا حاجة
انو مو كل حلم حيكون نصيب
ومو كل واحد دخل حياتك حيكون مكتوب تكمل ويا للابد
