قبل كم يوم جنت اشوف فيديو يحجي عن "آخر مره"…
هالفيديو وگفني وخلاني اعيد شريط ذكريات كلش هواي،
ويه هواي ناس وهواي اماكن،
مرات شكد افكر لو چنت اعرف انو هاي آخر مره چان على الاقل ودعتهم بطريقه احسن،
جان صفنت شويه حتى اتذكرهم، او بس حتى اباوع لوجههم اكثر خاف انسى ملامحهم
واظل ما اكدر اشوفها الا بالصور،
جان على الاقل كعدت وياهم اكثر حتى ما اظل اشتاق الهم كل يوم.
احنا ما ندري شوكت اخر مره نشوف ناسنا،
يمكن اليوم احنا كاعدين، باچر تشوفهم اختفو من حياتك بسبب او بدون سبب،
عيشوا لحظاتكم وياهم احنا ما راح ندرك شنو قيمه هاي اللحظات الا من ندور عليهم وما نلگاهم يمنا.
August 10, 2025 1.6K 22
